سلسلة علي خفيف - الشمس مش بس للتان

سلسلة علي خفيف - الشمس مش بس للتان

الشمس فظيعة لدرجة تسيح الدماغ محدش يقدر ينكر كده ولا علميا لأن شدة الاشعاع الشمسي في مصر بتعتبر من أعلي المستويات علي مستوي الكوكب.

فرانك شومان لاحظ الموضوع ده و حب يستغله لا مشتغلش في الصن بلوك مع ان بالاسعار الجديدة ديه كان حيكسب فشخ.
 فرانك شومان واحد من رواد الطاقة شمسية مهندس و ليه براءات اختراع كتير في المجال ده و يوم ما حب يطبقها جه مصر المعادي تحديدا او صحراء المعادي وقتها مكانتش المعادي بقت ميدان و كشك و محل ورد لسه.

1912 صحراء المعادي بشمهندس فرانك قرر انه يستغل الطاقة الشمسية و يدور محركات بخارية بتشغل بدورها طلمبات رفع ميه لانه كان شايف ان مصر كدولة زراعية و مخزن للغلال زي ما كان بيطلق عليها الاحتلال الانجليزي محتاجة لاختراع زي ده لتطوير و تنمية القطاع الزراعي. وبكده يخلي العالم كله يؤمن بأهمية اختراعاته و يمول ابحاثه لئيم برضه فرانك 😁 👷 ده لكن اكتشاف البترول الرخيص و اندلاع الحرب العالمية بقلشه و قضي علي أحلامه بالرغم انه خلص المحطة و شغلها بالفعل.

.
الا ان الطاقة للشمسية فضلت منسية لحد ما البشرية أدركت ان البترول بيخلص غير مشاكل التلوث و الاحتباس الحراري فرجعت بقوة فكرة الأستفادة من الشمس كطاقة اللي وفقا للدراسات ان انتاج ساعة لو العالم قدر يسخر الجزء القابل للاستخدام من الطاقة الشمسية بكامل طاقته يقدر يوفر طاقة للكوكب كله لمدة سنة و ده فرض نظري طبعا.
مصر دولة رائدة في مجال الطاقة الشمسية و طبعا ده كذب ربنا يسامحني عليه بس بوجود مقومات زي أنقي انواع الرمال اللي بيتعمل منها العواكس و توافر مسطحات المياه اللي بتستخدم في تبريد المحطات و آشعة شمس علي مدار العام بأعلي معدلات ايه المانع?!
دول العالم كله جالها حمي الطاقة الشمسية و أحنا هنا عايشين في مية البطيخ و احنا بقي مبنتكلمش عن ألمانيا و العالم المعدية ديه ناس عارفة مصلحتها من زمان.

احنا بنتكلم بنتكلم عن دولة شقيقة زي المغرب اللي علي وشك الانتهاء من اكبر محطة طاقة شمسية في العالم مع انها دولة بتستورد كهربا أصلا الا ان بعد عمل محطة نور بكامل طاقتها 500 ميجا وات حتقدر توفر 42% من احتياجاتها.👏👏👏👏👏
حتي دولة زي الصين اللي تعتبر من اول الدول في انتاج الفحم لسه مفتتحة محطة الباندا العملاقة (عالم رايقة و الله) محطة الدبدوب ديه تنتج 100 ميجا وات بحيث حتوفر خلال فتره تشغيلها كله حوالي مليار طن 😨 فحم انت متخيل.
يعني احنا عندنا مصدر للطاقة مبيخلصش ووحيوفر علينا مليارات و احنا مضروبين بالنار خلقة و غير مستغل بالمرة الا في اضيق الحدود اتمني حد يعمل حاجة و يستفيد من ميزة الشمس اللي ربنا واهبهالنا انا عن نفسي حأجر شماسي للناس في الشارع 😂.
#TRex_Magazine
#علي_خفيف

Written by: Amr Khaled - T.Rex

#AK_TRex