سلسة تعرف - الثعبان عالي الفولت

 ربنا سبحانه و تعالي بيدي كل كائن الادوات و الخصائص اللي تساعده في النجاة و التكيف مع النظام البيئي اللي هو عايش فيه
تعرف ان في انواع من التعابين بتعيش في الميه
اه. طيب بس من غير لماضة التعبان اللي حنتكلم عنه النهاردة مش بس بيقضي معظم حياته في الميه لا ده بيكهرب -بيكهرب ازاي يعني?
يا عم انا حكدب عليك و الله بيكهرب اسمه النقريس الرعاد ماله عم الرعاش ده و ازاي هو كده
البطاريات عمتا بتعتمد علي التفاعل الكميائي في شحن او تفريغ الكهرباء نفس الكلام خلايا الكائن ده عبارة عن بطاريات 80% من خلايا جسمه بتقدر تولد كهربا كيميائيا زي البطارية بالظبط بحيث ان حوالي 6000 خليه يقدر ينتج بيهم 600 فولت مستريح لو فرغ الشحنة مرة واحدة

و بحجمه اللي ممكن يوصل ل2.5 متر بيقدر يصطاد فرائس بحجم تمساح المياه العذبة لانه بيعيش علي ضفاف نهر الامازون و بيحب المياه الضحلة و لان قدرته علي التنفس بتخليه يقدر يقعد تحت المية عشر دقايق بيلبد و هوب يلسع فريسته واحدة اليكتريك تتشل في مكانها و بالهنا و الشفا يا رعوشتي الا ان من النادر اصابته للبشر و من وجهة نظري نهر فيه بيرانا و تماسيح و بلاوي سودة الناس حتنزل تلعب في الطين و تتكهرب كمان ديه تبقي غباوة
الا ان لو فرضنا و اتعرض الانسان لصعقة منه ممكن تسببله الام شديدة جدا و صعوبة في التنفس اظن انت لو شوفت تعبان في المية حيجيلك صعوبة في التنفس مش مستاهلة كهربا و فواتير عالفاضي
كان معكم #TRex_Magazine من امام فاتورة الكهربا اللي بفكر اخد قرض عشان اعرف ادفعها
#تعرف