أبو دقيق قد ينقذ العالم أو يفنيه!!!

أبو دقيق قد ينقذ العالم أو يفنيه!!!


أكيد دخل بيتكم قبل كده و لو مرة لو عايش في مصر.حشرة بتطير أقرب ما تكون للفراشة و هي نوع من انواع الفراشات فعلا  فيه منها كبير و صغير و مسالم جدا يعني عادي لو مسكته مش هيأذيك بس لو اتعاملت معاه بشكل مباشر أغسل ايدك كويس لأن البودرة اللي علي جسمة ديه عبارة عن مواد كيماوية بيفرزها جسمه عشان تحميه من اعدائه الطبيعين زي الدبابير و النحل🐝.



العداوة بين النحل و ابو دقيق هي كانت مفتاح الأكتشاف اللي بنتكلم عنه النهاردة.
ليه النحل بيكره حشرة ابو دقيق( تحديدا ابو دقيق شمع العسل لان فيه منه انواع تانية) لانها بتهاجم خلية النحل بليل بالذات (هجامين 😂) خلايا النحل اللي بيسكنها طوائف نحل ضعيفة و بتضع البيوض بتاعتها في الشمع بتاع الخلية و تخلع. البيض يفقس تطلع منه دودة اسمها دودة شمع العسل.بتعث فسادا في الخلية بقي بتاكل شرنقة يرقات النحل و حبوب اللقاح و بتحفر انفاق في الخلية لانها بتاكل الشمع برضه و حتي مؤذية في عملية اخراجها بتعمل تسوس و عفن لخشب الخلية من الاخر وجودها بمثابه دمار شامل و هلاك للنحل.

أحد هواة تربية النحل النحس صابه و حصل تصيب خليته الآفة ديه لم اليرقات في كيس بلاستك و نزل بيهم عشان يفاجأ في طريقه ان الاكياس اتخرمت و الدود بيخرج منها مش بس كده الكيس نفسه متاكل لحسن الحظ الهاوي ده هو عالمة الكيمياء الحيوية فيديريكا بيرتوتشيني اللي لمت الفوضي و ديه و جريت علي معملها عشان تتأكد من الموضوع عرضت الدود كمية من البلاستيك لقت فعلا ان البلاستيك بيقل و ان الدودة بتتغذي عليه مش بس كده ديه بتهضمه و بيتحلل في معدتها و بيتم اخراجه في صورة مادة اسمها ايثيلين جليكول قابلة للتحلل و الذوبان في الميه.

دودة ممكن تكون المفتاح لحل مشكلة البلاستيك و الاثر البيئي المدمر ليه 50 مليار طن حنكون انتجناهم حتي عام 2050 مادة غير قابلة للتحلل بيتم تدوير 10% بس و الباقي بيترمي في البحر
بتاكله الكائنات البحرية بيموتها او بيفضل جواها لحد ما السلسلة الغذائية تكر و يرجعلنا ناكله احنا و يسبب كل اشكال و انواع السرطانات اللي ممكن تتخيلها.كمية البلاستيك كبيرة لدرجة ان فيه جزر  نفايات بلاستيك بتتكون في تلاقي التيارات الحرية في المحيطات.و الاسوأ انها بتتكسر لقطع اصغر فبتاكلها كل الكائنات البحرية و بتتنقل من كائن للتاني بالتغذية لانها لا بتتهضم ولا بتتحلل😓.
و بالتالي اكنها فيرس بيصيب كل الكائنات الحية و بيعيش جواه.




نرجع لأبو دقيق اللي بيموتلنا النحل و بيبوظ الخلايا اللي فايدته تتعدي انه بيدينا عسل بكتير و هنبقي نستضيفه في حلقة تانية عشان نعرف ليه ممكن الحياة تتدمر لو النحل اختفي. البيبي ابو دقيق بياكل البلاستيك و يهضمه و يحوله لمواد قابله للتحلل و الذوبان اينعم احنا هنتشل لحد ما شوية دود حيخلصوا شنطة بلاستيك حتي فيها شهر و مش هينفع نطلقهم بكميات كبيرة عشان النحل ميموتش و احنا نروح في داهية و يبقي جينا نكحلها عميناها.
هنا بقي دور علماء الكيمياء الحيوية اللي بيحاولوا يوصلوا لعمل محاكاة لهضم الدودة للبلاستيك كيميائيا يوصلوا لتركيب الانزيم اللي في معدة دودة الشمع و بكدة نقدر اننا نعالج نفايات البلاستيك بكميات كبيرة و نخليها تتحلل مع شوية تدوير مخلفات نقدر نطول العمر الأفتراضي للبشرية الشوية و اللي عداده بيلف بسرعة و شكلنا هنقلب عداد قريب.💣💥
#TRex_Magazine

التعليقات
0 التعليقات