الديناصور الأول

الديناصور الأول

بسم الله نبدأ...
نظرا لأن شغفي معرفة كل ما هو جديد بخصوص العلوم و التكنولوجيا و لأن العالم بيتقدم بسرعة رهيبة ولأني ببقى في قمة سعادتي و حماستي لما في حاجة جديدة بيتم اكتشافها أو اختراعها او معلومة مكنتش اعرفها عن حيوان حشرة او حتي نبات كنت بعمل شير للموضوع الأصلي أو الفيديو او الفكرة بس بلاقي الناس مش مهتمه.
ازاي مش مهتم أنتم عارفين ده ممكن يأثر في حياتنا ازاي أو يعمل ايه ?!!!
للأسف لا لأن محدش عنده وقت يقرأ أو يترجم أو يتفرج يا عم انا عايز افصل مش طالبة عقد.
بس انا مش حيأس بمنتهى البساطة اللي بقراه أو بتفرج عليه حكتبه هنا بلغه عامية تسميها مقالة سميها خواطر أو طقطوقة أو زيتونة ممكن تعتبرها فيسبوك ستاتوس حتي مش مهم أسمها ايه.
حكتبها زي منا فهمتها بطريقة بسيطة و حكتب المصدر عشان لو حد شده الموضوع و عايز يقرأ عنه أكثر .
الجديد بقي اننا دورنا علي ناس عرفناهم في حياتنا مؤمنين بفكرة التعلم و الثقافة و انها المفروض تبقي لكل الناس بأسلوب مبسط و ضميناهم لفريقنا أيمانا منهم بضرورة نشر العلم بطريقة مبسطة تحت شعار الهلس الهادف.

أما عن التسمية تي ريكس أو التيرانوصور واحد من افشخ الكائنات اللي كانت عايشة على وجه الأرض يمكن بينافسها في ده التنانين اللي مفيش دليل علمي أنهم موجودين حتى هذه اللحظة للأسف😔.
و الفضل في التسمية يرجع لزوجتي الحبيبة لأنها سيم ما بينا على آى حاجة فشيخة و انا شايف ان العلوم و التكنولوجيا و الاكتشافات الجديدة تستحق اللقب ده.
أنا ببقي مستمتع جدا و انا بكتب الكلام ده اتمنالكوا نفس الشعور و انتوا بتقروه 😃.
                                               م/ عمرو خالد -T.Rex

Written by: Amr Khaled - T.Rex

#AK_TRex

#TRex_Magazine