تعرف أن في كائن حي مهما كبر في السن مبيموتش ايه اللي انت بتقوله ده الأعمار بأيد ربنا
و ربنا سبحانه و تعالى أعطى المخلوق ده مفتاح الخلود له في خلقه شئون كائن لا يتعدى حجمه 4-5ملم
لو فرضنا أن مفيش إي كائن تاني تغذي عليه في نوع من قناديل البحر اسمه (توريتوبسيس) النوع ده بيكبر في السن عادى جدا زيه زى بني جنسه بس لحد حد معين يبدأ يصغر في السن تاني و بعد كده يبدأ يكبر تاني و بتفضل دورة حياته شغاله بالشكل ده لاما سمكة تاكلة 🐟 لاما يخبطة ميكروباص عالدائري 🚑 ملهاش حل تاني
الجميل كمان أنه بيتكاثر ذاتيا يعني مفيهوش ذكر و أنثى لا لما بيوصل لمرحلة البلوغ بيبيض عدد معين و بدون تلقيح بتخرج قناديل جديدة للحياة و يبدأ الأب أو الأم و الله منا عارفله يرجع يصغر تاني و يعيد دورة حياته من الأول
و سبب ده تخوفات كبيرة جدا للعلماء بسبب الخوف من تكاثر إعداده و احتلاله للمحيطات بأعداد كبيرة
لدرجة تخوف البعض من استخدامه كسلاح بيولوجي تقدر تضرب بيه شواطئ بلدان و تعمل خلل كبير في التوازن البيئي
كان معكم #TRex_Magazine من داخل أحد الميكروباصات على الدائري و يا رب نوصل حته واحدة 🙏
#تعرف
0 التعليقات