سلسلة تعرف- جمبري مينتس او السرعوف المهرج

تعرف أن في نوع من الجمبري سبحان الخالق اسمه جمبري مينتس أو روبيان السرعوف كمان ليطلق عليه اسم الروبيان المهرج.
النوع ده من الجمبري بيعيش بالقرب من سواحل المحيط الهادئ. و المحيط الهندي في شقوق الوديان و بين الصخور و بيتم استهلاكه كطعام في دول شرق آسيا و ده بسبب طعمه اللذيذ و قيمته الغذائية العالية أظن هو بينور لوحده 😂.
فيه حوالي 400 نوع منه بألوان فريدة بتهيالي ترشحه أنه يكون الأجمل في مملكة البحار
بيتغذي على الديدان و المحار في قاع البحر و بيستخدم في الصيد خطافين عشان يمسك فريسته يقدر يطلقهم بسرعة 10م في الثانيه يعني أسرع 50 مره من رمشة عينك كمان يقدر بالسرعة ديه يسدد لكمات توصل أنها تكسر حوض السمك (👊👊👊ايه الغباوة ديه 💪💪💪) عشان كده المهتمين بتربيته بيجيبولوه احواض مخصوصة بسبب شكله الجميل الفريد و عمره انه ممكن يعيش ل20 سنة في البرية و انه غير معرض للانقراض.
خلال ال20 سنة دول بيقترن بزوجة واحدة بتكمل معاه فتره حياته كلها.
انا سامع اللي بتدعي اللهم جمبر و سرعف كل رجالتنا و شبابنا 😂😂😂😂😂.
#TRex_Magazine
#تعرف
التعليقات
0 التعليقات