اصنع وقودك بنفسك

اصنع وقودك بنفسك 

زي اي مواطن صالح صحيت الصبح مع انها اجازة رسمية بس قررت اروح الشغل لان المصنع شغال بسخن العربية ببص عالاخبار لقيتهم بيقولوا البنزين بقي ب5 جنيه رحت مبطل العربية و طلعت كملت نوم
معرفتش انام للاسف مهو مش بعد كل كورسات الثيرموديناميكس و الكتب و الريبورتات اللي اتفشخنا في عمايلها حروح اكتب فيلنج انجري و احط شوية نجوم ورا كل كلمة لا بدأت ادور علي طرق صناعة الوقود العضوي

انا مبحبش الكميا عشان الكميا غدارة
لا حبها معلش عشان خاطر مصر ولا انت مش بتحب مصر ما علينا المهم معظمنا عارف ان الوقود اللي بنستخدمه في حياتنا اليومية بيستخرج من باطن الارض وقود احفوري اللي هو بترول يعني و يشاء المولي عز و جل اننا نكون من الدول المنتجة بس بكميات قليلة مبتكفيش استخدامنا بطريقة ما مع اننا بنصدر مش قصتنا برضه بس المهم ان النوع التاني اللي بنتكلم عنه هو الوقود العضوي
اللي هو ايه بقي

بص عضوي يعني كربون و هيدروجين حفظوهالنا كده في ثانوي اقدر اجيب منين العنصرين دول و الاهم ازاي اقدر اسخرهم للاستخدام في صورة وقود الكربون و الهيدروجين موجودين في كل الكائنات الحية انا جسمي فيه كربون و هيدروجين الاكل اللي بناكله في كربون و هيدروجين بواقي الاكل اللي بترميها فيها كربون و هيدروجين مخلفات جسمك بامبرز عيالك مليان كربون و هيدروجين علي يديييييييييي و كل الزيوت النباتية فيها كربون و هيدروجين و اسالوا طاسة البطاطس حتقولكم
انا حقفش في طاسة البطاطس عشان مش طالبهلعب في البامبز مش طالبة قرف وبواقي الاكل انا بحولهم سماد للزرع بتاعي فمقداميش غير الطاقة الكامنة في الطاسة
هل انا فعلا اقدر احول زيت الاكل اللي برميه لوقود اه ينفع بس مش بنزين للاسف بيوديزل ممكن تشغل منه مولد كهربا او اي معدة بتعتمد علي الديزل
ايه الللي انا محتاجه عشان اعمل بيوديزل (زيت - كحول - صودا كاوية او حمض هيدروكلوريك) المواد ديه كلها متاحة عند اي بتوع كيماويات
ايه اللي بيحصل  لما بيتم خلط الزيت بالكحول بيتم تكسير جزيئات الزيت و بيتتحول لمادة خواصها شبيهه بالديزل اللي بنشغل بيه محركات الديزل طب ليه الصودا الكاوية و حمض الهيدروكلوريك دول عوامل حفازة بيسرعوا التفاعل و بتعادل بيهم درجة الحامضية او القاعدية للمركب التفاعل ده كله بيتم بمعزل عن الهواء الجوي و في درجة حرارة 60 و هي درجة حرارة سهل توصلها
ده الطريقة بلدي
ملحوظه اختلاط الصودا الكاوية بالكحول بينتج غاز سام فخلي بالك المكان لازم يكون مجهز بتهوية كويسة عشان لو حصل تسريب.
تعرف بقي ان المفاعل الل بيتم فيه العملية ديه متوفر للانتاج الغزير و بيبدأ من 7000 جنيه بس و انك ممكن تبدأ بيه مشروع و تجمع بواقي الزيت من البيوت و يبقي عندك مصنع البيوديزل الخاص بيك و علي فكرة هو من المشاريع اللي بيمولها البنك و بتاخد عليها تسهيلات كبيرة جدا و اعفاءات في الضرايب و خلافة لانك بتساهم في المحافظة علي البيئة و تدوير النفايات و فيه محفظات بدأات في المشروع ده بالفعل و بتلم الزيت من البيوت مقابل نفط تنزل علي بطاقة التموين.
تعرف كمان انك مش لازم تستخدم زيت الاكل بس فيه زيوت غير صالحة للاستهلاك الادمي زيت زيت الجتروفا مثلا و ده نبات بيتزرع بمية صرف و تربة قاحلة عادي جدا
محدش حيحللنا مشاكلنا و انا شايف ان كل حاجة بتترمي في حجرنا ولازم نعتمد علي نفسنا اعتبر نفسك بتلعب لعبة استراتيجية مطلوب منك نوفر فلوس و اكل و ووقود و كل حاجة و متعتمدش علي حد
كان معكم #TRex_Magazine من تحت مفاعل البيوماس الصغير بتاعي اللي هرا كتفي تنطيط
انا حقوم اغيرلها البامبرز بقي عشان ريحة الهيدروكربون حتموتوني.

Written by: Amr Khaled - T.Rex

#AK_TRex

#TRex_Magazine