سلسلة تعرف - ام قويق

ناس كتيرة قوي بتتشائم من البوم و بتخاف منه و من صوته بيوصل الموضوع لحد تشبيه الشخص النحس بالبومة او ام قويق و ده اسم البومة المصرية البني المنقطة بابيض ديه
تعرف ان اصل الحكاية ديه في ثقافتنا بيرجع لعهد الفراعنة اللي كانوا بيقدسوا البوم لدرجة انه كان حرف من حروف اللغة الهيروغليفية حرف الميم
و كان طائر الفرعون المفضل يقال انه رمسيس التاني لحد ما في مرة بيلعب مع البومة بتاعته طيرتله عينه هو اللي متخلف الصراحة يعني 😂
المهم و من ساعتها و المصريين بيتشائموا من البوم عشان خاطر عنين سعادته و ده بالرغم انه من الطيور المهمة جدا بسبب دورها في حفظ التوازن البيئي اللي اظن لما تعرفها حتغير رايك و ممكن تحبها
انا عن نفسي بحب شكلها بالذات في الليالي القمرية لما بتفرد جناحها بيبقي شكلها رويال كده في نفسه
بس ايه اللي بيخلي البومة سبيشيال غير اني بحبها
البومة في منها مبدايا فوق ال200 نوع و بتعيش في كل القارات ما عادا القارة القطبية الجنوبية

البومة من الطيور الجارحة و برغم ان يبان منقارها صغير لكن ده لان معظمه متغطي بالريش حقولك ليه دلوقت بس قوته كافيه انها تقدر تقطع فريستها بيه و تبلعها علي بوق واحد لو صغيرة
البومة عينها مبتتحركش بيلت ان مع الجمجمة بس ربنا مديها 14 فقرة في رقبتها بيدوها مرونة عالية لدرجة انها تقدر تلف رقبتها بمرونة تفوق تخيلك

و لانها كائن ليلي ربنا مديها عيون قوية بس مبتعتمدش عليها كليا زي حاسة السمع الخارقة اللي بتتمتع فيها و اللي بتخليها تسمع دبة النملة و بتقدر تحدد مكان فريستها اللي بتبدا من الحشرات و لحد الفران و الارانب و السجانب و حتي البوم التاني مبتعتقش
و بمجرد مبتحدد مكان الفريسة بتقتنصها سامع واحد ورا بيقولي يعني هما مغفلين مبيسمعوهاش و هي بتطير
لا يا ابو لسان طويلو ده لان ربنا سبحانه و تعالي مغطيها بريش ناعم بيقلل صوت طيرانها بنسبه كبيرة تكاد متسمعهوش حتي هوة فجأة كده بيلاقيها فوق دماغه شغل افلام رعب بس تو ليت يا بيبي بيكون اتاكل
ليه بقي البومة مهمة للتوازن البيئي ده لانها بتتغذي عالفران و الارانب و التعابين و الحيوانات المريضة
نبدأ بالفران بومة الحقول ممكن تاكل من 1000 الي 5000 فار سنويا كم الخراب اللي ممكن يسببه العدد ده اظن انت بتشوف لو فار واحد دخل شقتك بيعمل ايه بتلقت رزقها بقي تعابين ماشي ارانب اوك سناجب ميضرش ايه حوار الحيوانات المريضة ده البومة بتنقي اضعف حيوان و تلقطه و ده كان سبب ان في مرة في اسبانيا ضربهم وباء ماتت كل الارانب ما عدا منطقة معينة كان السبب تواجد البوم اللي بياكل الارانب المريضة قبل ما تعدي الباقي
و غير كده دول بيخلفوا بال10 و انت طالع لو ملقطتتش منهم كل شوية حيكتر عددهم و يقضوا عالاخضر و اليابس
ربنا مخلقش مخلوق من فراغ كل موجود لسبب و بسبب تدخل البني ادم اللي بيصطاد البوم للاسف بدات انواع منها تبقي معرضة للانقراض اللي بدوره حيخل بالتوازن البيئي و حنقعد نلطم ساعتها لما نلاقي الفران بتكروز افري وير و عاملين فوم بارتي عندك في البانيو
البومة حلوة حبيتها لا معلش حبها لا حبها بنفس شوية
#تعرف
كان معكم #TRex_Magazine و اول يوم شغل ربنا يعديه علي خير 😒😒😒😒😣