Neuralink وعد تنازلي لربط الدماغ بالكمبيوتر
المرة الجاية لما تروح الامتحان متنساش تعمل update لدماغك عشان متتسوحش ده لو فرضنا ان الامتحان openmind يعني 😄😄😄.الكلام يبان انه سخرية بس في خلال ال10 سنين اللي جاية حيكون ده كلام علي ارض الواقع و ده حسب تقدير ايلون ماسك.
العد التنازلي ده كان خلال احد تصريحاته بشأن شركته الجديدة Neuralink و اللي حتكون متخصصة انها تعمل Update للجنس البشري او انها تحولنا لسيبورغ.
و عشان يوضح ماسك رؤيته بالظبط شرح ان المخ بيتكون من جزئين الجهاز الحوفي limbic system و هو المسؤل عن التحكم في المشاعر و الذكريات طويلة الامد و السلوك الجزء التاني و هو القشرة Cortex المتحكم في الافكار و المنطق و التخطيط طويل الامد و هنا ماسك عايز يضيف للدماغ جزء ثالث و هي انه يوفر اتصل بين الدماغ و الكمبيوتر او الذكاء الاصطناعي بكلمه اشمل شوية. و بيقول ان ده موجود فعلا بس بصورة بدأية شوية في صورة اللابتوب او السمارت فون اللي بقي جزء من حياتنا الشخصية لدرجة ان في ناس بتحصلها مشاكل كبيرة جدأ في شغلها و حياتها لو فقدت الاتصال بالاجهزة ديه الي حد وصف ان في ناس بتحس انها فقدت جزء من جسمها لو تليفونها فصل او اللابتوب بطاريته فصلت.
الهدف من Neuralink انها تكسر الحاجة لوجود وسيط بينك و بين المعلومة اللي بقت حاجة مهمة جدا في عالمنا الشخص اللي بيمتلك المعلومة زمان كان بيبقي شخص تعب جدا عقبال ما يوصلها كل واحد معاه اجنده بييوثق فيها المعلومات اللي قدر يوصلها و بيعتبرها كنز مبيدهوش لحد تصل لدرجة التوريث عند بعض الاشخاص.في عصر ثورة المعلومات كل الناس بقي عندها قدرة الوصول للمعلومة بغض النظر عن امكانية الاستفادة منها او لا.اي شخص في الدنيا ممكن يبحث في مجال الطاقة الذرية لو عنده وصلة نت.بس مش اي حد ممكن يحصل علي المعلومة دية بمجرد انه يفكر فيها بس توصل مباشر لدماغة اكنه عامل ابحاث فيها من زمان وده بيعرف باسم BCI-Brain Computer Interface و حسب ادعائه بيطمن ان محدش حيقدر يقري افكارك الامر حيبقي زي قدرتك علي الكلام انت مش حتقول غير اللي انت عايز تقوله.
و كعادة شركات ايلون ماسك صرح ان الشركة حتصرف علي نفسها زي كل شركاته لانه بالفريق المميز اللي جمعه ايلون ماسك من اشخاص عندهم خبرات في علم الاعصاب و خبراء علي اعلي مستوي في مجال التقنية.حتبدأ المجموعة ديه في العمل علي ابحاث في مجال الدماغ لمعالجة الاورام السرطانية و السكتات الدماغية علي التوازي مع الابحاث بتاعته عشان يقدر يوفر التمويل الكافيي للابحاث ديه.
المعوقات اللي حتقابل فريق Neuralink مش سهلة في معضلات لازم يلاقولها حلول في طريقهم زي مدي تعقيد توصيل اجهزة بالمخ لاننا حتي هذة اللحظة منجحناش الي في زراعة 200 الكترود في المخ و عشان نوصل للمرحلة المرغوبة من الاتصال لازم نكون قادرين علي توصيل مليون الكترود. المشكلة التانية اماكن زرع الالكترودات دي في المخ عشان اقدر احاكي سرعة المخ في التفكير و الحصول علي المعلومات.المعضلة الاكبر بالنسبة لايلون ماسك ازاي حتقنع الناس انها تزرع الالكترودات ديه في دماغها تخوفات من قراءة الافكار و تصل هواجس البعض طب انا كده ممكن حد يعمل هاك و يسيطر علي دماغي......
كل ديه تحديات بتقابل فريق Neuralink الي جانب اننا حتي الان معرفناش كل حاجة عن الدماغ و خباياها. بس ايلون ماسك متطمن لان مش شركته بس اللي بتبحث في الموضوع ده و ان في معامل ابحاث كتيرة جدا بتشاركه الحفر في نفس التقنية ديه مش بنفس الصورة التجارية اللي بيتميز بيها ايلون ماسك في كل شركاته انه بيقدر يسوق افكاره و يقنع المستهلكين بشرائها و تمويلها.بس في علماء من MIT , FACEBOOK 8 شغالين علي تقنيات من شأنها انها تسرع وتيرة ابحاث Neuralink حسب تعبير ايلون ماسك احنا مش حنبدأ من اللاشئ و مش حنبني في الفراغ و حنستعين بكل الخبرات لتحويل البشر لسيبروغ عشان يقدروا يتفوقوا علي تطور AI و ميخسروش السباق مع صنع ايديهم ونلاقي ان الالات هي اللي بدأت تحكم سيطرتها علي الكوكب.
كان معكم #TRex_Magazine من الضيب ويب 😂
المصدر:
Futurism
Neuralink
Wikepedia
Written by: Amr Khaled - T.Rex
#AK_TRex
#TRex_Magazine
0 التعليقات