كل ما تريد معرفته عن سحلية رامز جلال
رب ضارة نافعة برامج رامز جلال سواء حبيتها او محبيتهاش ايا كان مصداقيتها فهي في المقام الاول ليها جمهورها بتجيب مشاهدات اعلانات و بالتالي بتجيب فلوس للقنوات اللي بتمولها. بس مش ده النفع اللي اقصده النفع هنا للمشاهد حتي و لو للاعلان اللي بدأ يسأل هو ايه التمساح ده هو في سحلية طيب بالحجم ده هو ايه خطورتة طيب ممكن ياكل بني ادم يعني.
مبدأيا اه ممكن ياكل بني ادم مش بس كده ممكن ياكل بني ادم و ممكن ياكل بقرة كمان لو جت في سكته مش بس كده لعابه او الريق بتاعه ممكن يسبب حروق و جروح خطيرة جدا.
السحلية ديه بيطلق عليها اسم تنين الكومودوو هي من اكبر السحالي اللي عايشة علي سطح الارض في يومنا هذا و بتتصدر القائمة ديه بطول يصل الي 3 متر للذكور و حوالي 2 متر للاناث بالحجم الكبير تقدر انها تفترس حيوانات باحجام مختلفة قد تصل الي ضعفين حجمها او اكتر.تنين الكومودو مبيعتمدش بس علي حجمه الكبير. كمان مخالبه و ديله اللي بيتميز بعضلات قوية و اللي يعتبروا اسلحة فتاكه جدا في مملكة الحيوان.قوة نظرة اللي بتصل مداها ل300 متر و لسانة اللي بيقدر يستشعر بيه اي فريسة و يهجم عليها في ثواني لان متوسط سرعة جرية 20 كم/الساعة. كمان فكه بيحتوي علي 64 نوع مختلف من البكتيريا و اللي بيسبب جروح بالغة لفريسته اللي حتي لو هربت منه في اول هجوم فهي حتضعف و يصيبها الاعياء من الجروح ديهو حتموت خلال 24ساعة و حيجيبها برضه. و ده لانه من النوع اللي بيتربص بالفريسة و بيدرس سلوكها و بناء عليه بحدد استراتيجية لصيدها.
يا عم انت رعبتنا من البتاع ده يعني ممكن يطلع للواحد لو تاه في الصحرا؟؟؟؟؟
لا, تنين الكومودو من السحالي النادرة و اللي مبتتواجدش غير في حته اسمها سومطرة في اندونيسيا.اخونا بتوع الهني مون يصحصوا معانا شوية.
ما يعرف بحديقة الكومودوا الوطنية و هي عبارة عن 5 جزر في اندونيسيا فيها كل الكومودوا اللي في العالم و بعض حدائق الحيوان في العالم عندهم واحد او اتنين و ده بسبب عدده المحدود اللي بتخليه معرض للانقراض.
مبدأيا لو شفت البتاع ده سواء مسافر بقي هلاوس في الصحرا تهت في جزيرة عندي ليك نصيحة واحدة بس
فلق يا مشمش.....
0 التعليقات