عضلات للروبوتات من بريدجستون
ايوه بريدجستون بتاعة الكاوتش😄
ظهر فيديو من يومين تقريبا بتختبر فيه بريدجستون العضلات الروبوتية الخاصة بيها و اللي ميعرفش ايه العضلات الروبوتية ديه تقدر تقول انه عبارة عن جزء مطاط مدعم بنسيج هيكلي حاجة منسوجة زي القماش كده و لما بتضغط فيه سائل او غاز بينكمش
زي الصورة دية
احنا بقي بنستغل الفرق ده نربطها في حاجة تخليها تحركها اكنها عضلة في الجسم بالظبط.طب ولزومها ايه الفرهدة دية يعني انا اجيب مضخة تضخ سائل او غاز و اصرف كهربا احولها لضغط طب منا اخد الحركة مباشر من الموتور و خلصنا.اغلب الروبوتات الموجوودة بتستخدم المواتير الكهربا بسبب انها بقت رخيصة و في المتناول الا انها فيها مشكلة كبيرة و هي عدم تعملها للظروف القاسية في العمل زي درجات الحرارة العالية و الغبار مثلا فبتتعطل.و ده اللي دفع بيردجستون بخبرتها في مجال الكاوتش سواء مطاط او فابريك انها تحاول تحل مشكلة بلدها لان معظم الروبوتات اللي دخلت مفاعل فوكاشيما اللي انفجر في اليابان من فترة مبتكملش و بتبوظ بمجرد دخولها بسبب الحرارة و الاشعاع ده اللي دفعهم انهم يطوروا العضلات الروبوتيه ديه لانها مبتتاثرش بالظروف ديه زي المحركات الكهربية.و بيعمل المهندسين حاليا في بريدجستون علي تطويرها بحيث انها تتحما درجات حرارة و ضغوط عالية ده بجانب انهم بيطوروا الميكانيزمات اللازمة لتشغيل روبوت للقيام بالمهمات لاحتواء كارثة فوكاشيما.
المصدر:
موقع بريدجستون
0 التعليقات