الوجه الطيب للتقدم الصناعي

الوجه الطيب للتقدم الصناعي

 علي الرغم من التخوفات اللي بتصاحب التقدم العلمي و التكنولوجي الا ان محدش ينكر مساهماته في حل مشاكل البشرية من فترة مش بعيدة كان فقدان طرف من جسم الانسان او الحيوان كان ممكن ينهي حياته يحيله للتقاعد يخليه ميقدرش يقوم بنشطاته الاعتيادية اللي بيقدر اي شخص سليم يقوم بيها غير الاذي النفسي اللي بيخلي الشخص يحس بانه محتاج مساعدة من حد
مظنش ان فيه اسوأ من انك تلاقي طفل او طفلة مش قادر يلعب مع الاطفال اللي في سنه بسبب عدم قدرته عالحركة او مجاراة اقرانه جسديا برغم انه بيتمتع بصحة كويسة نفس الكلام بالنسبة للشباب او البنات اللي ممكن النوع ده من الحوادث يدمر حياته
الا ان العلم قال كلمته و شهدت هندسة الاطراف الصناعية تطور كبير في الفترة الاخيرة و بدلا من محاولتها لاضفاء شكل بقينا نقدر نركب اعضاء قادرة بشكل الكبير علي اداء وظيفة الجزء المفقود و بفضل جهود المهندسين و العلماء و التطور في الروبوتات و الذكاء الاصطناعي بقينا نقدر نركب زراع او ساق كامل قادر علي الحركة بنفس كيفية العضو الاصلي
الا ان قابلتنا مشكلة انها غالية جدا و فضلت لفترة حكر علي القادرين علي دفع التكلفة ديه

لحد ما ظهرت تقنية الطباعة ثلاثية الابعاد اللي عملت ثورة في مجال الصناعة ووصلت انها تقدر تنفذ تصاميم معقدة بتكلفة اقل بكتير عن قبل كده لدرجة ان المصممين بيقوا يوفروا تصاميم و ينشروها بالمجان عشان يقدر يستفيد منها اي حد و تقدر التكنولوجيا ديه تكون في متناول الكل حتي انهم عملوا تصاميم للحيوانات.                                                  

و علي فكرة الطابعة ثلاثية الابعاد مش غالية هي غالية عشان بنستوردها من برة بمبالغ كبيرة بالرغم من امكانية تصنيعها محلي لدرجة ان بقينا نشوف مشاريع تخرج بتنفذ نماذج لطوابع ثلاثية الابعاد بل بيتنافسوا في تصنيعها من مواد ارخص و انها تقدر تكون اسرع و ادق و بتستخدم في الطباعة مادة خام ارخص و متاحة للكل
حتي الدوائر الالكترونية بقت تصميماتها موجودة و مفتوحة المصدر و يقدر الكل يبدع و يطور في استخدامها لحل مشاكل مجتمعة
و مفتكرش اننا اقل من الناس ديه في حاجة
كل الرغي ده عشان فكرت ان لو ايدك فلتت ممكن تطير دنتا اوفر
كان معكم #TRex_Magazine  من امام خط الانتاج

Written by:Amr Khaled - T.Rex

#AK_TRex