سلسلة تعرف -عنكبوت الباب السحور

 العناكب من اكتر الكائنات اللي بتثير فضول العلماء انواعها و قدرتهم علي التكييف و اساليب عيشتهم فعلا بتخليه يعتبر كائن خارق
تعرف ان في نوع من الكائنات الخارقة اسمه عنكبوت الباب المسحور و لا ده مش حد ختمه علي قفاه ده سبحان الله نقش بيبقي علي الجزء الخلفي من العنكبوت لو دققت في النقش حتلاقيه اكنه عمله او تميمة مسحورة بس ده صنع الخالق عز و جل خلق فابدع
ماله العنكبوت الملبوس ده بقي و ايه حوار الباب المسحور ده بص يا سيدي العنكبوت ده بيته مش شبكة علي شجرة لا ديه حفرة عبارة عن نفق بيبقي بيته و مكان صيده في نفس الوقت و بيعمله باب من ورق الشجر و تراب و الحرير بيعمل للجحر بتاعه فله و اول ما الفريسة بوم تضرب الفله يمسك فريسته بمخالبه السامة و يجرها للجحر بتاعه اللي بيبقي مبطن بالخيوط بتاعته تشطيب سوبر لوكس من الاخر

 و ياكلها هم يا جمل انا عن انثي ما بتسبش الجحر ابدا و بتربي فيه البيبي عنكبوتات و عمرها ممكن يوصل من 5 و حتي 20 سنة بس الذكور بتبقي اعمارهم اقل من كده بكتير كالعادة يعني
و الحمد لله حجمهم صغير بيوصل2.5 سم للاناث  مش ناقصة رعب
بيعتبر عنكبوت الباب المسحور من الحشرات النادرة و صعب انك تلاقيه لانه بيبقي لابد في الذرة و مستخبي طول الوقت موطنه بيبقي الغابات في شرق اسيا و من ندرته كان فيه خبر من قريب ان فلاح صيني لقاه و باعه بمبلغ كبير جدا
الواحد من صغره بيربي عنكبوتات ان ما استفاد منهم بمليم و لا بقي سبايدر مان حتي دنا لسا ضارب واحد بالشبشب
كان معكم #TRex_Magazine من امام جثة الفقيد
#تعرف