سلسة تعرف - الديناصور الفشيخ - T.Rex

سلسة تعرف - الديناصور الفشيخ - T.Rex

 بناء علي طلب احد اصدقاء البرنامج
تعرف احنا سمينا الصفحة تي ريكس ليه متعرفش طبعا ما انت لو كنت مهتم كنت قريت الديسكريبشن
بس علي فكرة الاهتمام مبيتطلبش
ما علينا مينفعش يتطلب مننا نتكلم عن ديناصور لاول مرة و منتكلمش عن ديناصورنا حبيبنا و اللي يخصنا تي ريكس زي معطمنا حبينا و عرفنا الديناصورات بشكل مبدأي من سلسلة جوراسيك بارك و لان كان بطل السلسلة النجم ده فاحنا كلنا اكيد فاكرين و احنا فاتحين بوقنا و مش مصدقين حجمه و ازاي هو بقطمه واحدة ممكن يقسم طيارة يشيل عربية او حتي يبلع بني ادم علي بوء واحد
بس الكائن ده حقيقي و عملاق و اكل للحوم و شرس جدا و عنده كل مايمكن لمخلوق مفترس انه يمتلكه من اسلحة
حنبدأ بالحجم احنا بنتكلم في مخلوق ممكن يوصل طوله لعشرين متر و عرضه 15 متر
بسبب تصميم و ابداع الخالق عز و جل و انسيابية جسمة يقدر يجري بسرعة 40 كم/ساعة مع وزن 600 كجم تقريبا و ده كان التقدير لاكبر حفرية مكتشفة مش معني كده ان مفيش اكبر
الجلد مشابه الي حد كبير جلد التمساح الامر اللي يخليه قوي جدا في الدفاع عن نفسه

ديله الطويل بيساعده في التوازن لانه بيمشي علي قدمين بس و بسبب راسه الكبيرة و تقلها كان لازم الديل يعوض التوازن ده
الايدين قصيرين الحمد لله متر بس و فيهم 3صوابع منهم اتنين بمخالب يمكن عشان و هو بيجري ميجرجرش فيهم ده لانه بيرمي بجسمه لقدام و يجري بجسمه موازي للارض
اما عن الفك بقي ده الجزء الاجمل بجمجمة طولها حوالي متر و نص منهم متر فك فك اكبر يعني عضلات اكتر يعني قوة قطم اكبر و غير كدة الاسنان مرصوصة حرف U مش حرف V  عشان يقدر يهبر لحم اكتر كمان طول سنته من الجزر بيوصل ل30 سم ده سيف مش سنة المهم الباشا طبعا صعب ان يملي عينه الحيوانات السيكي ميكي بقر و جاموس و خلافة لا

                 
كان غذائه الرئيسي الديناصورات اكله الاعشاب الباقي ده مقبلات سناك بين الوجبات
الكائن ده تقريبا عاش من 200 مليون سنة و انقرض زي بني جنسه بس سابلنا حفريات و هياكل عظمية تدل علي مدي عظمته و انه فعلا كان اكبر و اشرس اكلات اللخوم اللي عرفها كوكبنا
ملحوظة في اشاعات مغرضة ظهرت من اسبوع تقريبا علي ديناصور ممكن يبقي اكبر و اشرس من تي ريكس ديه اساعات مغرضة كل قرد يلزم شجرته و اللي عنده معزه يلمها و السلام عليكم و رحمة الله و بركاته
كان معكم #TRex_Magazine من علي سفرة الفطار في انتظار المدفع انا جعان
#تعرف


Written by Amr Khaled- T.Rex
#AK_TRex

التعليقات
0 التعليقات