سلسة تعرف - خلد الماء

تعرف أن في نوع من الحيوانات بيعيش في أستراليا اسمه خلد الماء الكائن ده سبحان الله ميكس غريب في شكله و في تكوينه عمتا
لو بصينا حتلاقيه بيمتلك جسم و بيمشي زي الزواحف إلا أنه من ذوات الدم الحار , عنده منقار و بيبيض إلا أنه يعتبر من الثدييات لأنه بيرضع صغاره عنده مخالب حاده بيدافع بيها عن نفسه وفي القدم الخلفية بيمتلك مخلبين ساميين برغم ان السم اللي فيهم مش مميت للبشر لكنه مؤذي كمان البطوط الزاحف السام ده بيعوم و في حتى ديه مختلف لأنه بيقفل عينه و مناخيره تحت سطح الماء و عن طريق التيار الكهربي بيقدر يحس بمكان فريسته زي جهاز كشف المعدن كده و اللي بتكون غالبا جمبري أو محار
كمان يقدر ياخد لقب مهندس إنفاق بجدارة و ده لأنه بيحفر لنفسه شبكة إنفاق معقدة على ضفاف الأنهار بتحميه و صغاره من الكائنات المفترسة
كل الصفات ديه اهلته أنه يكون بوكيمون بجدارة و كان من ضمن الحيوانات اللي حتى مغيروش اسمها في المسلسل (سايدك) لأنه يعتبر واحد من الكائنات الغريبة اللي موجودة في عالمنا
كان معكم #TRex_Magazine من داخل إحدى كور البوكيمون 😃
#تعرف

التعليقات
0 التعليقات