سلسلة تعرف - رحلة البحث عن الماو

سلسلة تعرف - رحلة البحث عن الماو

مستمعينا هابي ويك اند عليكم و يا رب دايما بصحة و سعادة زي كل ويك اند بنحاول نتكلم عن حاجة سبيشيال شوية ضيفنا النهاردة قصدي ضيوفنا النهاردة رفضوا انهم يشرفونا الاستوديو و لأنهم دايما مشغولين جدا و احنا فاهمين و مقدرين ده نزلنالهم احنا عشان نعرف اكتر عنهم و أكتشفنا حاجات و معلومات جديدة نحب نشاركها
تحذير الموضوع حيطول فشخ بسبب صعوبة الضيوف!

نطلع فاصل ونرجع ليف من الشارع 🚙🚗🚕🚓
(مشهد خارجي احدي صناديق القمامة)
-سلام عليكم .... لو سمحت .... بعد اذن حضرتك .....يا حضرت ..... يا نجم
(انا كنت عارف اني حتعذب في الموضوع ده)
* أؤمر يا عسلية ( صوت قادم من الخلف)😸
- بسم الله الرحمن الرحيم انت طلعت منين
*مالك متخفش احنا كده بنحب نطلع فجأة
-عشان تخضوا الناس يعني بتستمتعوا بالآذية
*لا احنا و الله بنتخض زينا زيكوا من الحركة ديه بس بنعملها كده 😺

-طب و الله انت راجل محترم انا عمال اتحايل علي زمايلك و محدش راضي يديني معلومة ولا يقف يتكلم معايا حتي
*هما بس خايفين منك كل ما حد شبهك كده بيجي بيأذيهم😔
- بس حضرتك الله اكبر عليك جرئ
*لا و الله لا جرئ ولا حاجة انا بس جعان يلعن ابو الحوجة اللي خلتني اقف مع واحد زيك روح هاتلي ب5 جنيه لنشون قذر و انا حقولك كل اللي انت عايزه.

-اظن حضرتك كلت و شربت و سرحت فروتك و عملت بيبي ممكن تقولي ام الكلمتين خليني امشي
*انت مين?!
-يادي النيلة انا اللي لسه مطفحك
*انا مش فاكرك 🙀 انا عايز انام
-دنتا قط مش محترم بقي
*(يقوس ضهره و يكشر عن انيابه)
-انا اسف و الله طب سؤال واحد بس
*انجز واحد بس
-حضرتك كقط مصري أصيل مش متدايق من معاملة الناس ليك وأنهم مش مقدرين قيمتك دانتا برة بيقدروك جدا و بتتباع بدولارات كتيييير...
*آه بص يا ابني انا عايز انام و مش طالبة عبط مش انا اللي بتدور عليه ولا واحد في اللي جريوا منك دول اطلع علي اي محل حيوانات آليفة و قوله عايز ماو اتكلم معاه.
- هو حضرتك و الزملة مش ايجيبشان ماو برضه
*لا و ده اخر سؤال اجاوبك عليه قبل مقطع وشك
- (فيلينج كونفيوسد) طب انا اسف
مشهد خارجي 2 احد متاجر الحيوانات الاليفة بالمعادي
- لو سمحت عايز اتكلم مع ايجيبشان ماو
*بص حضرتك انا عنيا ليك بس انا عندي شيرازي و سيامي و حتي سفينكس و ممكن اضحك عليك و اقولك القط الرومي ده ايجيبشان ماو و البسهولك بس طلبك مش عندي ولا حتلاقيه في اي محل
- كل اللنشون و سوحني ابن الجزمه
*ايه يا بيه اجبلك شرازي حلو و الله و هادي و شكله دبدوب في نفسه كده

- ابعد عني بالله عليك القط الاومليت ده يشل دنا كان عندي واحد كنت بتحايل عليه عشان يقوم من عالكرسي بتاعي و كان بياكل كيس حبوب 2كيلو في الاسبوع ابعد البتاع ده بالله عليك. و قولي الاقي فين الماو ده.
*انت حر اطلع عالجمعية المصرية لحماية ايجيبشن ماو
- نعم?!
*بص خش عالموقع ده و حتعرف كل حاجة

(مشهد 3العربية )
موقع جمعية حماية الايجيبشان ماو من الأنقراض
هو انا دخلت معبد حتشبسوت ولا ايه في ايه
انقراض ايه ما هم مالين الشوارع اينعم بتوع الحواوشي مش عاتقين بس مالين الدنيا برضه
ايه ده املي ابليكشن تبني 😂 قشطة يمكن اعرف اقابل حد من ولاد الذوات دول.

مشهد 4 احد محلات الحواوشي
الله يرحمه اذا كان كلب ولا قطة بس دليشيوس احذف القرف ده من السكريبت ولا اقولك سيبه كل الناس عارفة

مشهد 5 استلام الايجيبشان ماو
*اتفضل حضرتك اقعد
-شكرا
*قبل ما نبدأ الانترفيو تحب تشرب حاجة
-انترفيو انا اتفقست ولا ايه?!
*حضرتك مش جي تتبني ايجيبشن ماو لازم نتأكد انك مؤهل للموضوع ده
-آه انا اللي حيتعملي انترفيو
*هو مش بالظبط بس القطة اللي حضرتك حتتبناها حتيجي تحكي معاك شوية
- يا فرج الله
-ايه ده حضرتك ديه قطة بلدي بس مستحمية شوية لا انتوا مش حتشتغلوني دنا صايع ولفيت علي قطط مصر قط قط

😾اقعد يلا و بطل دوشة انت في مكان محترم
- اسف بس حضرتك انا اتبهدلت قوي النهاردة و معنديش استعداد انزل اجيب لانشون تاني
😼يا ابني لانشون ايه كفي نفسك اقعد بس
تاخد سيجارة
-متشكر لذوقك مبدخنش
😺احسن برضه عايز تفهم ايه بقي شكلك مش بتاع تبني ولا بتاع ولا شكلك بتاع كفته برضه.
-الله يحفظك انا اسف بس حضرتك انا كان في اعتقادي ان القط البلدي هو هو الايجيبشات ماو لحد ما فهمت ان في فرق بعد ما اتبهدلت قوي ساعدتك.
😺كل اللي اقدر اقولك عليه ان انت لو كنت دورت شوية كان ممكن تخبط في قط ماو لاننا نادريين جدا و معرضين لخطر الانقراض.
😺 القطط البلدي المنتشره في الشوارع ديه هجين بين القط الماو و القط الرومي و ده مختلف كتير عن سلالة الماو العريقة
- طب معلش في السؤال ايه اللي بيميزك عنهم يعني لان الشبه قريب قوي
😺بص مبدأيا كده اسمنا الماو ده اسم فرعوني لاننا بننحدر من سلالة القط الفرعوني المقدس من اكتر من 3500 سنة .

😺بالنسبة للشكل لو ركزت في شكلي حتقدر تميز الفرق لوحدك مبدأيا انا ببقي ارفع و مبتخنش بحافظ علي رشاقتي سليمرو سكسي و ده لاني نشيطة و بحب اللعب و الحركة جدا. نفس الكلام بالنسبة لديلي بيبقي رفيع برضه و وداني بتبقي واقفة لفوق مش نازله بميل علي جنب راسي زي القطط البلدي.
انا القطة الوحيدة اللي منقطة اوريجينال رباني مش نتيجة تزاوج قطتين من لونين مختلفين حتي حتلاقي جلدي نفسه منقط مش الشعر بس الارفي حالة القط الاسود و ده نادر قوي انك تلاقيه.
اللي حيخليك تفصل في الاخر حتلاقي حرف M مرسوم فوق مناخيري شبه الجلعان و ديه بتبقي علامة مميزة جدا بتفصل في اصلي فعلا و تعرفك انا بنت مين.

-ده الموضوع كبير طب حضرتك انا شايفك ما شاء الله هادية في نفسك و لبقة في الكلام كده انترخريجة كلية ايه.
😺اه بص احنا وبلا فخر بنصنف كاذكي قطط في العالم و برغم اننا بنحب اللعب و النكش زي كل القطط الا ان سهل ترويضا ووتدريبنا بحيث يبان اننا هاديين تقدر تقول الشقاوة فينا بس ربنا اللي هادينا😸.
-ايه طيب مختلف تاني في عائلتكم الكريمة
😺انا مش بنت 67 زي كل القطط انا بنت 73
ماما و كل امهات قطط الماو بتحمل حوالي اسبوع زيادة عن كل انواع القطط التانية يمكن ده سبب موضوع الذكاء ده
😺انا قط مسيطر مش متجول بحب يبقي ليا منطقة نفوذ و مبحبش اختلط بالكائنات التانية و لو خد دخل منطقتي باتغابي عليه حتي لو قط تاني.
مبحبش الدوشة بحب الهدوء و احب اخرج في منطقتي و متخافش عليا انا مش متخلفة زي القطط الرومي ممكن تدوسني عربية لاني سريعة جدا و بعرف اعمل ريسك اساسمنت و اخرج نفسي من الهازارد سيتويشنس.
-اللهم صلي عالنبي لا تربيه بيتي و مصروف عليكي
طب ايه اللي بيتعبك انت بتاكل حاجة سبيشيال يعني.
🙀و الله زي اي قطة المفروض اكل لحوم و بيض شوية سيريال مش حقول لا فمش متعبة زي الشيرازي في موضوع الاكل ده.
-بتحبي الميه و النضافة و كده?!
😾 ايه علاقة المية بالنضافة انا مثقفة مبستحماش ثم ربنا رازقنا بلسان بعرف انضف بيه نفسي و اسرح بيه شعري ليه الميه و قله القيمة ديه اعترض علي حكمة ربنا بقي.
-يعني حضرتك مبتستحميش?!
😾ايه قلة الادب ديهانت مصمم لا يا سيدي لو عودتني عالحموم من صغري باستحمي بخساير اقل بس الميه تبقي دافية شوية لان انا عروق جسمي بتبقي قريبة من الجلد لو رميت عليا ميه زي اي قطة لا اراديا حفط من مكاني لان درجة حرارة جسمي بتنزل فجآه عشان كده مبنحبش الميه مش جو عفانة و مده يعني.
-حسأل حضرتك سؤال انت كقطة بتبقي ليكي شخصية مستقلة و ساعات كتير بتقعدي سرحانة بتبقي بتفكري في ايه?
😹واحد امبليه
-ايه
😹 شيبسي و كراتيه ههههههه سوري اصلي بحب اللعبة ديه قوي يا ابني انا قطة احنا بنعمل اللي احنا عايزينه وقت ما احنا عايزينه و المود بتاعنا بيتغير بمزاجنا كده مش معنا انك عايز تلعب اني اجي العب معاك مش معني انك رايق اني لازم قطتك تبقي رايقة حس بينا شوية وبطل انانية.
-???!!!!!!

😹عشان تفهم الموضوع اكتر تعرف احنا كنا بمثل الآله ايه عند قدماء المصريين?
😺انا كنت بمثل اللهة باستيت بنت الاله رع يمكن الربط ده عشان شكل الجعل اللي اتكلمنا عنه الالهة باستيت اله الحنان و الرحمة و كان شكلها جسم مرآة براس قطة و لما بتغضب بتبقي الاله سخمت جسم مرآه برأس لبؤه و ارتبطت ارتباط وثيق بتمثيل المرآة لانها كانت بتحمي البيوت و مخازن الغلال من الفران و بالنسبة لمزارع زي المصري القديم كانت حريصة علي بيته زي زوجته بالظبط فكان بيقدسها وخلاها رمز للحنان و الامومة و الخصوبة حتي انها كانت من الحيوانات اللي بتدفن معاه و بتتحنط زي الملوك بالظبط.

Loading...

 حتي يقال ان السحر المزعوم اللي بيحرص المقابر بكتب احيانا علي ضهر تمثال القط الاسود الشهير و ده بدأ من عهد نفرتيتي هي اللي بدأت الموضوع ده.
-حيوان بيمثل المرآة ناو ات ميك سنس.
-بس انت مستريحة في المكان ده
😻اكيد الناس هنا عرفة قيمتي و بيتسجل حوللي 200 قطةرفي السنة كلها بتتصدر كل انحاء العالم
يعني انا في اي وقت مكمن اسافر و انت قاعد في مكانك زي الكلب البلدي 😹😹😹
-ما انت كنت مؤدبة مالك في ايه??!
😾مفيش
-ما تقولي مالك حقعد اتحايل عليك انا خلقي ضيق
😾اتكلم باسلوب احسن من كده
-انا اسف يا ستي و الله ما قصدي
😺جعانة عايز اكل
-اوك حنزل اجيبلك حواوشي
😾طلعوا الكلب الكانبلزم ده من هنا سيكيورتيي...

انتوا نمتوا صح انا فرهدت انا كمان و الله لم العدة و رجعنا الاستوديو تاني بكرامتنا يا ابني.
كان معكم #TRex_Magazine من شوارع المحروسة انجوي يور ويك اند 🙋