ابتكار رؤية مجسمة 3D لما وراء الجدران

ابتكار رؤية مجسمة 3D لما وراء الجدران

الموضوع يبان في الأول كتقنية في احد افلام الخيال العلمي او احد الالعاب اللي بتستخدم فيها تقنيات مستقبلية.يمكن لو لعبت باتمان (Batman Arkham) الاخيرة كان فيها تقنية اسمها Detecive Mode كانت بتخليه يشوف اللي ورا الحيطان بس الموضوع ده بالفعل اصبح حقيقي!
نجح علماء ألمان من جامعة ميونخ التقنية ( TUM) في ألمانيا في ابتكار تقنية تتيح انها مش توريك ايه ما وراء الجدران لا ان حتقدر تشوف رؤية 3D و بث مباشر كمان زي التقنية اللي في اللعبة بالظبط.


ببساطة باستخدام خواص موجات الWi Fi و قدرتها علي اختراق الجدران حيتم بس موجات واي فاي من مصدرين مختلفين و في نفس الوقت حيقيس كل مصدر موجه الواي فاي اللي جياله من الجهاز التاني و باستخدام تقنية لمعالجة البيانات ديه واللي لسه بيعملوا علي تطويرها حيقدروا يكونوا صورة عالية الدقة للمكان ده. حتي هذه اللحظة هما وصلوا انهم يكونوا صورة بتظهر المجسمات اللي موجودة داخل المكان المغلق بس مش بالدقة المطلوبة لكن التجارب الاولية للتقنية اثبتتلهم ان الموضوع مش نظري او خيال علمي لا ده واقع قابل للتطبيق.
                                        
 طبعا ده حيثير هاجس الخصوصية و بيطرح اسئلة كتير في الموضوع ده.يعني كده انا ممكن ابقي قاعد متشاف في كل مكان يعني كده الخصوصية ده اتدمرت.تقريبا ديه نفس الهواجس اللي واجهتها الاشعة السينية في بدايتها لدرجة ان اتهمها لبعض انها بتخدش الحياءبالرغم انها انقذت حتي يومنا هذا ملايين من الارواح.
للاسف زي اي تكنولوجيا بتبقي سلاح ذو حدين لكن علماء جامعة (TUM ) ان مبدأيا كده عشان يتعمل ده لازم يبقي في مصدرين وايفاي قوي وده حيتلاحظ بسهولة لو حد حب يطبقه علي ارض الواقع.بجانب ان تطبيق استخداماتها في مجالات تانيه حينقذ ارواح كتير جدا.مثلا في حالة الكوارث زي الزلازل او الحرائق اننا نعرف لو فيه اشخاص احياء من عدمه الامر اللي ممكن ينقذ حياة شخص فاقد الامل ان حد يلاقيه لان ببساطة محدش يعرف انه عايش او موجود حتي.
المصدر:
Research Gate
futurism.com
Technical University of Munich

Written by: Amr Khaled - T.Rex
#AK_TRex
#TRex_Magazine

التعليقات
0 التعليقات