اقمار صناعية دون الحاجة الي صواريخ باهظة التكاليف

اقمار صناعية دون الحاجة الي صواريخ باهظة التكاليف

المشكلة اللي بتواجه معظم برامج الفضاء ده لو مكانش كلها هي التكلفة العالية.تقريبا ده هاجس بيقابل اي حد ناوي يشتغل في الجزء ده من التقنيات.انت بتحتاج خامات عالية جدا عشان تتحمل الظروف القاسية بتعمل تجارب كتير جدا فبتهدر الخامات ديه و بتشتغل بخامات تانية لو نجحت تجارب الاطلاق مبتسترجعش اللي اطلقته بتفقده بشكل كلي الا في حالتين استخدام مكوك الفضاء و مؤخرا SpaceX.
بس برنامج مكوك الفضاء قفل بخروج اخر مكوك و هو Atlantis من الخدمة و ظهور SpaceX و نجاحها الهم شركات كتير انها تقتحم مجال السفر للفضاء بشكل تجاري. مش بس كده كمان الحكومات بتسعي انها تخفض تكاليف برامج الفضاء لاستخداماتها في امن و جمع المعلومات او اطلاق اسلحة مستقبلية من شأنها ربح حروب دون التضحية بحياة جندي او معدة واحدة من جيشها.
و ده اللي دفع DARPA و هي تقدر تقول عليها كده الهيئة الهندسية بتاعت الجيش الامريكي انها كلفت شركة Boing تصمم و تنفذ اول طائرة Hypersonic لاستخدامات الفضاء. الطائرة حتقدر توصل لمدارات حول الارض مفيش طائرة قبل كده وصلتلها و حتكون قادرة تحمل علي متنها أقمار صناعية اللي مؤخرا بقت احجامها صغير لدرجة انها بقت بتتوزن بالجرام وده يمكن اللي ساعد الفكرة و بقي ممكن تطبيقها علي ارض الواقع.

                                   

الطائرة التجريبية و اللي اطلقوا عليها اسم (XS-1) بتشتغل زي الطيارة العادية بس علي سرعات Hypersonic و بتشيل علي ضهرها صاروخ صغير بيتم اطلاقها بمجرد وصولها للمدار المحدد عشان تكمل الشحنة سواء قمر صناعي او غيره لمدارات اعلي اللي يقدر منها يأدي و ظيفته  و الطائرة (XS-1) بترجع تاني و تنزل في المطار زي اي طيارة عادية و ممكن تتجهز بصاروخ تاني و يتم اطلاقها خلال ساعات و ديه ميزة مش موجودة في صواريخ SpaceX.
و في تصريحات لمدير DARPA اللي اكد مدي سعادته ان Boing انهت اول مرحلة و هي التصميم و اعلن في التصريحات ديه تمويلهم عشان يبدأوا في المرحلة التانية و الثالثة و هما مرحلة التصنيع و التجارب.
و علي عكس سابقتها Air Force's X-37B unmanned spaceplane و اللي كان بيتم اطلاقها من مقدمة صاروخ ATLAS V .




بيتم اطلاق الصاروخ اللي بيحمل الشحنه من فوق طائرة (XS-1) و اللي بتوصل سرعتهاMach5 يعني 5 اضعاف سرعة الصوت بشكل رأسي و بيشيل شحنة تبلغ 1700 كجم تقريبا. قلتلكوا مش اقمار صناعية بس!

                                    
و في حالة نجاح التجارب يتوقع ان يكون تكلفة البرنامج في حالة تطبيقة و نجاحه اللي مخطط انه يتم توظيفه عمليا في2020 حتكون التكلفة 5M$ للاطلاق الواحد و ده تقريبا 10% من تكلفة الاطلاق الحالية.كما منتظر منها ان يتم اطلاقها 10 مرات علي عشر ايام متتالية و ده في حد ذاته انجاز.كمان صرحت DARPA انها حتشغل (XS-1) كمان في المجال التجاري اسيبكم مع الفيديو.

                                    

المصدر:
Popular mechanics 
Defense Advanced Research Projects Agency
NASA
Boing
SpaceX

Written by: Amr Khaled - T.Rex
#AK_TRex
#TRex_Magazine

التعليقات
0 التعليقات