سلسلة علي خفيف - الغابة المتحجرة

سلسلة علي خفيف - الغابة المتحجرة 

لو سمحت فين العنوان ده?
بص حضرتك خش يمين طوالي حتلاقي سور الغابة المتحجرة خليه علي شمالك و خد يمين.........
غابة?!! متحجرة ?!! التجمع الخامس?!!!!!!!
الراجل ده بيتشغلني ولا ايه غابة ايه اللي في التجمع ديه انا توهت كتير هنا لكن موصلتش عمري لغابة جديدة ديه

لا فعلا فيه سور و فيه يافطة مكتوب عليها الغابة المتحجرة و فيه حتت في السور مكسورة.
 أدخل ولا تهبرني السلعوة الساعة 11 بليل لا الطيب احسن انا اروح اقري ايه الحوار ده و ابقي ارجع تاني?
مبدأيا كده اكتشفت ان المكان ده تم اعلانه محمية طبيعية سنة 1989 و حوطوا المكان اللي مساحته حوالي 7 كم مربع بسور.
يعني في جوا غابة و نسانيس و كده يعني
لا هي مش افريكانو بارك ديه عبارة عن هضبة بسبب فيضان النيل كانت جزوع الشجر بتوصل للمكان ده و اتحجرت بقت عاملة زي الحجر بالظبط

الاشجار ديه تعتبر من اقدم حفريات الاشجار علي مستوي العالم من 32 مليون سنة من العصر الالوجيوسين و معروفة بأسم جبل الخشب و ديه تكوينات بتحتوي علي جزوع و سيقان نباتات متحجرة و شاهدة علي حقبة تاريخية يمكن اقدم من الانسان نفسه

 غير كده فيه في المحمية نباتات و زهور نادرة زي زهور نرجس الجبل و ديه بالرغم انها زهور نادرة جدا لكن منتشرة في المحمية بشكل كبير و بتدخل في تركيبات طبية.
طبعا غنية بزواحفنا المصرية من السحالي و التعابين و اكثرهم ثعبان الطريشة الكيوت المعروف

فتحات السور للاسف كانت لان العربيات النقل بتخش تحمل رمل من جوه للبنا و طبعا بتاخد معاه اي جزوع او تكوينات حجرية مدفونة 😵 عن جهل حسبي الله و نعم الوكيل في اي حد بيفرط في كنز و تراث انساني بالمنظر ده 🙅
احنا خطر عالكوكب و الله فعلا
حاجة اخيرة لسة عارفها في مؤخرا حفرية لاسنان قرش لسه لاقينها من كام شهر و ده دليل علي وجود حفريات تانية زي بتاعت وادي الحيتان كده.
#TRex_Magazine
#علي_خفيف