سلسلة تعرف - تم رصد جودزيلا

سلسلة تعرف - تم رصد جودزيلا

بص الخبر الكويس انه مبياكلش بني ادمين
الخبر الوحش انه لو عايز ياذيه حيقدر
تعرف ان الكائن ده اسمه مارين ايغوانا و باين من اسمه حاجتين مارين يعني بحري بيعيش في المياه المالحة و ايغوانا يعني حرباية نبيه اوي ساعتك بسم الله ما شاء الله 😁
يا عم محنا عارفين الحرباية الخضرا اللي بتتلون ديه ديه زبلة و ممكن تتضرب بمضرب بيسبول يجيلها ارتجاج في المخ او تموت اصلا

لا فيه نوعين من الحربايات او قسمين ان صح التعبير حرباية الغابات اللي نعرفها و الاخ السواحلي ده.
بس ديه حجمها صغير ميكملش نص متر امممم ده الخبر الوحش احنا مكناش شوفنا منها لحد وقت قريب الحجم الصغير لحد ما ظهر فيديو لجودزيلا زي ما سميته البعثة
ولان لاول مرة يتم رصد مارين ايغوانا بالحجم ده و اللي كان في حجم غواصين البعثة او اطول شوية تم تتبعه لحد ما لقوا انه مش الوحيد و ان في افراد تانية وصلوا للحجم ده تحديدا علي جزيرة جالاباجوس موطنة الاصلي في جنوب امريكا و تم رصد سلوكه انه بيقدر يغطس لحد 10 متر تحت سطح البحر و في الغطسة بيقعد 45 دقيقة بيتنقل باستخدام مخالبة الكبيرة و ديله عشان ياكل من اعشاب البحر يخش الاوليمبيات و الله علي التيم ريكورد ده 🏆🏆🏆
ايه اللي وصلهم للحجم ده بالنسبة لكائن بياكل الطحالب و الي حد ما مسالم بيكون صغاره فريسة سهلة للكلاب و الصقور علي الجزيرة ديه بقي فيه حاجتين اولا الاعشاب البحرية موجودة بوفرة و ده غذائة الرئيسي و بفضل انعدام التلوث و ووجود غابات المانجاروف اللي بتهدي تيارات المياه و تنقي الميه في نفس الوقت بتتكاثر الاعشاب بكثرة ثانيا وجود الطائر المحاكي و اللي بينقذ حياة صغار المارين ايغوانا لانه بيكره صقور جالاباجوس عدوه اللدود و بيصرخ باصوات عالية اول ما بيحس باقترابهم اثبت ان المارين ايجوانا بتتعرف علي الاصوات ديه و بتقدر تخبي صغارها اللي دايما بيكونوا هما الهدف و بكده بيضمن وجود جيل جديد يكبر و يتكاثر مع وجود الغذاء الوفير -حتي السحلية عايشة بامان ولاقية اكل وفير و احنا لا 😂😂😂
ده ماله ده محمر كده ليه -هو مبيحمرش بس هو بيحمر و بيصفر و بيعمل الوان الطيف كلها عشان يلفتوا نظر الاناث زيينا بالظبط 😂 في موسم التزاوج فبيقدر يتلاعب في صبغة جسمه لان لونه بيبقي رمادي بحيث يظهر بالوان زاهية تلفت النظر بانه كون نفسه و جاهز من مجاميعه 😂
بتبيض الانثي من 4الي 6 بيضات بتدفنهم و تقعد حضناهم 4 شهور حنان الام يا اخوانا 😊
بتحميهم من اي حد حتي افراد جنسها اللي بياكلوهم او الحيوانات التانية بيعيش لحد عمر 15 سنة بيغير جلده كل سنه بمساعدة صديقة الطائر المحاكي و الكبوريا اللي بقشروله جلده وياكلوه 😨
السحالي ديه عندها ميزة فريدة غدة بتخليها تقدر تشرب من البحر لا مش قلة قيمة و الله ده اللي بيحصل طب و الملح ده كده حتبقي سحلية مخللة 😂

لا الغدة ديه بتفصل الملح عن المية وتلاقي السحلية كل فترة اكنها بتعطس في العطسة ديه بتطرد الملح
سبحان الله
خلينا نراجع كده سحلية كبيرة بمخالب بتعوم عندها عصفورة بتحرس صغارها و بتنبها لو في خطر ليهم حق يسموها جودزيلا بس يا رب محدش يدايقها فتعضه و يعجبه الطعم و يقرر ميبقاش فيجيتريان تاني فيتغذي عاللحوم و يكبر اكتر و ساعتها حيبقي جودزيلا بجد بقي 😱😱😱
كان معكم #TRex_Magazine من وكر السحلية اسيبكم مع الفيديو
                    
#تعرف

التعليقات
0 التعليقات