سلسلة تعرف - سرطان جوز الهند العملاق
السرطان او مايعرف عندنا بأسم الكابوريا كائن من المفصليات زي العناكب بالظبط بيتميز عنها بغلاف قوي من الكالسيوم بيخلي جسمه مدرع بالكامل غالبا ده نتيجة التطور عشان سلوكه و عاداته الأجتماعية اللي حنشرحها شوية كده.
الكابوريا تمامها يتعمل عليها شوربة سي فود و يتكتب عنها مقال في مجلة فتافيت أو فتكات عادات أجتماعية ايه انت حتشيلنا همه ليه أبو عنكبوت ده؟
لا الكابوريا اللي حنتكلم عليها النهاردة تستاهل أحترام و هيبة أكتر من كده بحجمها العملاق كأكبر كائن مفصلي بري و عدائيتها الشديدة و قوتها المرعبة بيخليها تجبرنا نحترمها كنوع فريد من مخلوقات ربنا سبحانه و تعالي.
الكابوريا تمامها يتعمل عليها شوربة سي فود و يتكتب عنها مقال في مجلة فتافيت أو فتكات عادات أجتماعية ايه انت حتشيلنا همه ليه أبو عنكبوت ده؟
لا الكابوريا اللي حنتكلم عليها النهاردة تستاهل أحترام و هيبة أكتر من كده بحجمها العملاق كأكبر كائن مفصلي بري و عدائيتها الشديدة و قوتها المرعبة بيخليها تجبرنا نحترمها كنوع فريد من مخلوقات ربنا سبحانه و تعالي.
حنطير مع بعض لجزر المحيط الهادي وديه اكتر أماكن تم رصد سرطان جوز الهند العملاق فيها هي و جزر المحيط الهندي
و في بعض الحفريات بتدل انها عاشت يوما ما في أستراليا بس مش ده مبقاش يحصل حاليا, الجزر ديه بمناخها الأستوائي و بحرها المفتوح بتعتبر موطن خصب لنمو النوع ده من الكائنات الحية.
أول ما عينك تيجي علي سرطان جوز الهند انا عن نفسي حجري كابوريا حجمها بيوصل لمتر بتقدر تتحرك بسرعة وخفة بتخليها تقدر تتسلق الأشجار مخالبها قوية جدا لدرجة انها تقدر تقشر و تكسر و تثقب بيها جوز الهند و تتغذي علي مكوناته الداخليه.
و في بعض الحفريات بتدل انها عاشت يوما ما في أستراليا بس مش ده مبقاش يحصل حاليا, الجزر ديه بمناخها الأستوائي و بحرها المفتوح بتعتبر موطن خصب لنمو النوع ده من الكائنات الحية.
أول ما عينك تيجي علي سرطان جوز الهند انا عن نفسي حجري كابوريا حجمها بيوصل لمتر بتقدر تتحرك بسرعة وخفة بتخليها تقدر تتسلق الأشجار مخالبها قوية جدا لدرجة انها تقدر تقشر و تكسر و تثقب بيها جوز الهند و تتغذي علي مكوناته الداخليه.
للأسف ده الخبر الوحش بمراقبة سلوكها أثبتوا انها بتتسلق الأشجار و بتاكل جوز الهند خصتا و باقي ثمار الفاكهة بس مفيش مانع بين الحين و الاخر انها تاكل اي حيوان صغير خاصتا لو كان مجروح أو ميت, فيه حاجة كمان لو وقع ايديها علي سرطان أصغر منها حتاكله, فيه حاجة كمان أسوء لو جزء من جسمها اتقطع او اتحشر في حاجة و اضطرت تتخلص منه حتاكله برضه.
من الأخر هي بتاكل اي حاجة و مظنش بالحجم ده حتترجع عن أنها تاكل بني أدم لو لقيته مجروح و مغمي عليه أو نايم تحت شجرة مثلا و ده حيبقي تطبيق حرفي لجملة "أوعي الكابوريا تعضك".
أشهر واقعة بين الانسان و سرطان جوز الهند كان أنه متهم بقتل و التغذي علي أميليا إيرهات و هي كانت اول طيارة امرأة تنجح تعدي المحيط الأطلسي طيران و في أثناء محاولتها للطيران حول الأرض وقعت طيارتها 1937 للأسف التحريات اثبتت انها مماتتش من سقوط الطيارة و انها كانت جريحة علي أحد الشواطئ و لقوا هيكلها العظمي و دلائل علي تواجد سرطان جوز الهند علي رفاتها.
علي كده ممكن عدد كبير يهجم علي شخص يفرتكه حتي لو بكامل قوته؟
الحمد لله لا, غير ان مفيش حادث اتسجل لهجوم سرطان جوز الهند علي الأنسان كمان سرطانات جوز الهند كائنات غير أجتماعية بالمرة مبيتقابلوش في البرية غير في 3 مواقف بالعدد:
- وقت ما الأم بتفقس البيض.
-لما بيتقابلوا في موسم التتزاوج.
-و لما حد فيهم بياكل التاني.
كل واحد فيهم بيبقي ليه منطقة خاصة بيه بيعيش فيها منعزل تماما عن باقي فصيلته و لو حد دخل منطقة التاني بيرفع مخالبه وجسمه لفوق كده كتحذير أستعدادا للهجوم بيحصل أحيانا ان الطرف التاني مبيستجيبش للتحذير ده و بتدور معركة طاحنة بتنتهي بالانسحاب أو ان حد فيهم يتقتل و يتاكل.
طب هي بتتولد كبيرة كده يعني ولا ايه ظروفها؟
لا طبعا دورة حياتها بتبدأ بتلاقي الزوجين في القترة من مايو لسبتمبر علي سواحل أحدي شواطئ الجزر حيث تتلاقي أمواج المحيط مع الشواطئ الرملية الخلابة (يعني الكابوريا ديه بتعمل الهني مون بتاعها في المالديف و احنا قاعدين), بيرش الذكر السائل بتاعه علي بطن الأنثي و يسيبها و يفلق, لاحقا الأنثي بتبيض من نفس المكان فبيتعرض للسائل و بيحصل التخصيبز بتختار الأم مكان رطب عالشاطئ بتوضع فيه البيض و بتغلفه بمادة لزجة وتلزقه في بطنها و تفضل شايله البيض علي بطنها من 3 ل4 شهور,لحد ما يحين الاوان للبيض انه يفقس و البيض اللي مبيفقسش بتاكله مبتتفاهمش. الفقس ده بيحصل في المحيط و بتخرج البيبي كابوريا للحياة. أول 30 يوم من حياتها بتصارع فيهم للبقاء عشان توصل لقاع المحيط تدورلها علي اي قوعة فاضية تسكن فيها و تكون درعها اللي بيحميها و بيكون بيتها في نفس الوقت, بمرو الوقت و نموها بتخرج تزور الشاطئ بين الحين و الأخر لحد ما بعد حوالي سنة بتفقد قدرة التنفس في المياه و بتكون محتاجة انها تتواجد عالبر بشكل دائم و لسه بيتها هو قوقعتها برضه. بعد فترة البيت ده بيضيق عليها مع تزايد حجمها و في خلال 5 سنين مبتلاقيش قوقعة مقاسها بتفكها من العيشة الضيقة ديه و بتروح تسكن الكهوف و مبتخرجش منها الا بليل عشان تجيب الأكل.عشان يوصل سرطان جوز الهند للحجم العملاق اللي ذكرناه قبل كده باخد حوالي من 40 ل 60 سنة.
هو فعلا النوع ده من السرطان حرامي زي اللي في Moana؟
أيوه اللي شفته في فيلم Moana حقيقي شخصية Shiny و اللي كانت بتجمع التحف و تحطها فوق ضهرها و سارقه رمح Maui مستوحاه من سرطان جوز الهند هو مبيوصلش للحجم ده اكيد بس هو حرامي و جامع للتحف خاصتا البراقه و بيلزقها علي ضهره فعلا.ألا ان مفيش دراسات كفاية علي السلوك ده بسبب قلة أعدادهم و بعدهم عن المدن الي حد ما.
يعني تلخيصا أنت حتتعامل مع كابوريا في حجم مكتبك قادرة علي تحطيم ثمرة جوز هند بمخالبها أكله للحوم و كانيبليزم غير اجتماعية حرامية و عندها حاسة شم قوية جدا تقدر تتعرف عالغرباء اللي يخشوا منطقتها. حتي لو مثبتش مهاجمتها للبشر بشكل مباشر مظنش انك تحب تتواجد مع الكائن ده في مكان واحد ألا علي السفرة.
كان معكم #AK_TRex مراسل #TRex_Magazine من أمام قدورة.
#تعرف
Written by: Amr Khaled - T.Rex
#AK_TRex
أشهر واقعة بين الانسان و سرطان جوز الهند كان أنه متهم بقتل و التغذي علي أميليا إيرهات و هي كانت اول طيارة امرأة تنجح تعدي المحيط الأطلسي طيران و في أثناء محاولتها للطيران حول الأرض وقعت طيارتها 1937 للأسف التحريات اثبتت انها مماتتش من سقوط الطيارة و انها كانت جريحة علي أحد الشواطئ و لقوا هيكلها العظمي و دلائل علي تواجد سرطان جوز الهند علي رفاتها.
الحمد لله لا, غير ان مفيش حادث اتسجل لهجوم سرطان جوز الهند علي الأنسان كمان سرطانات جوز الهند كائنات غير أجتماعية بالمرة مبيتقابلوش في البرية غير في 3 مواقف بالعدد:
- وقت ما الأم بتفقس البيض.
-لما بيتقابلوا في موسم التتزاوج.
-و لما حد فيهم بياكل التاني.
كل واحد فيهم بيبقي ليه منطقة خاصة بيه بيعيش فيها منعزل تماما عن باقي فصيلته و لو حد دخل منطقة التاني بيرفع مخالبه وجسمه لفوق كده كتحذير أستعدادا للهجوم بيحصل أحيانا ان الطرف التاني مبيستجيبش للتحذير ده و بتدور معركة طاحنة بتنتهي بالانسحاب أو ان حد فيهم يتقتل و يتاكل.
لا طبعا دورة حياتها بتبدأ بتلاقي الزوجين في القترة من مايو لسبتمبر علي سواحل أحدي شواطئ الجزر حيث تتلاقي أمواج المحيط مع الشواطئ الرملية الخلابة (يعني الكابوريا ديه بتعمل الهني مون بتاعها في المالديف و احنا قاعدين), بيرش الذكر السائل بتاعه علي بطن الأنثي و يسيبها و يفلق, لاحقا الأنثي بتبيض من نفس المكان فبيتعرض للسائل و بيحصل التخصيبز بتختار الأم مكان رطب عالشاطئ بتوضع فيه البيض و بتغلفه بمادة لزجة وتلزقه في بطنها و تفضل شايله البيض علي بطنها من 3 ل4 شهور,لحد ما يحين الاوان للبيض انه يفقس و البيض اللي مبيفقسش بتاكله مبتتفاهمش. الفقس ده بيحصل في المحيط و بتخرج البيبي كابوريا للحياة. أول 30 يوم من حياتها بتصارع فيهم للبقاء عشان توصل لقاع المحيط تدورلها علي اي قوعة فاضية تسكن فيها و تكون درعها اللي بيحميها و بيكون بيتها في نفس الوقت, بمرو الوقت و نموها بتخرج تزور الشاطئ بين الحين و الأخر لحد ما بعد حوالي سنة بتفقد قدرة التنفس في المياه و بتكون محتاجة انها تتواجد عالبر بشكل دائم و لسه بيتها هو قوقعتها برضه. بعد فترة البيت ده بيضيق عليها مع تزايد حجمها و في خلال 5 سنين مبتلاقيش قوقعة مقاسها بتفكها من العيشة الضيقة ديه و بتروح تسكن الكهوف و مبتخرجش منها الا بليل عشان تجيب الأكل.عشان يوصل سرطان جوز الهند للحجم العملاق اللي ذكرناه قبل كده باخد حوالي من 40 ل 60 سنة.
هو فعلا النوع ده من السرطان حرامي زي اللي في Moana؟
أيوه اللي شفته في فيلم Moana حقيقي شخصية Shiny و اللي كانت بتجمع التحف و تحطها فوق ضهرها و سارقه رمح Maui مستوحاه من سرطان جوز الهند هو مبيوصلش للحجم ده اكيد بس هو حرامي و جامع للتحف خاصتا البراقه و بيلزقها علي ضهره فعلا.ألا ان مفيش دراسات كفاية علي السلوك ده بسبب قلة أعدادهم و بعدهم عن المدن الي حد ما.
يعني تلخيصا أنت حتتعامل مع كابوريا في حجم مكتبك قادرة علي تحطيم ثمرة جوز هند بمخالبها أكله للحوم و كانيبليزم غير اجتماعية حرامية و عندها حاسة شم قوية جدا تقدر تتعرف عالغرباء اللي يخشوا منطقتها. حتي لو مثبتش مهاجمتها للبشر بشكل مباشر مظنش انك تحب تتواجد مع الكائن ده في مكان واحد ألا علي السفرة.
#تعرف
Written by: Amr Khaled - T.Rex
#AK_TRex
0 التعليقات