اللي مستعجل يركب الصاروخ - SpaceX

اللي مستعجل يركب الصاروخ - SpaceX


الراجل ده مش حيجيبها لبر و كل يوم بيتحفنا بأفكار و مشاريع أجرأ و أغرب من اليوم اللي قبله بنتكلم أكيد عن Elon Musk - Ironman و اللي اثناء مؤتمر في أستراليا كمدير تنفيذي لSpaceX ان خطته لأستعمار المريخ حتكون واقع بحلول عام 2024 و ده قبل 10 سنين عن خطة ناسا اللي حولت وجهتها للقمر لحد هنا و احنا بنتكلم في احلام و طموحات مستقبلية بس مش ده اللي عايز اتكلم عنه لانه في اخر المؤتمر تطرق لفكرة مجنونة دعمه فيها نجاح صواريخ SpaceX القابلة لأعاده الاستخدام و غالبا أصابه الملل من رحلته من امريكا لاستراليا و اللي بتستمر  من 13 الي 15 ساعة تقريبا حاجة ملل يعني. و ده شجعه انه يطرح فكرته احنا ليه منستخدمش صواريخ SpaceX في نقل المسافرين في رحلات الطيران الطويلة .

 

عرض Elon Musk الفيديو ده و وضح فيه ان الصاروخ العملاق Dragon و Falcon قادر يشيل كبسولة فيها حوالي 100 الي200 مسافر و ينقلهم في فتره بتتراوح من 25 الي 40 دقيقة و ده كان متوسط الحسابات للرحلات الطويلة اللي عليها طلب و عدد مسافرين كبير حول العالم.
اظن ان رجال الاعمال اصحاب المشاريع اللي متنطورة في ارجاء الكوكب ممكن يدفعوا اي تمن عشان يوفروا الوقت اللي بيضيع في التنقل بين مشاريعهم و اظن ان منهم Elon Musk باستثمارات ما بين امريكا و دبي و استراليا ..... و حبه للتواجد بنفسه في مشاريعه كان لازم يفكر ازاي يقلل الوقت في التنقل بين المشاريع ديه (Time is Money).





قبل ما Musk يفكر في موضوع استغلال مدارات السفر العليا و السرعات الخارقة لسرعة الصوت Hypersonic فيه شركات كتير فكرت في الموضوع ده بس كلهم عن طريق طائرات hypersonic زي شركة Virgin Galactica اللي بيملكها Richard Barison. بس Musk المختلف عنده انه حيستخدم صواريخ بتوصل سرعتها ل25000 كم/ساعة  و بتشيل عدد كبير من المسافرين نسبيا بالمقارنة بباقي المشاريع ديه.
أثناء المؤتمر عرض Musk فكرته و ساب الناس تحلم بالسفر بين ابعد نقط عالكوكب في دقايق, بس متمش ذكر التحديات اللي حيقابلها مشروع بالطموح و الابتكار ده.


1- الأمان : 
 حتي هذه اللحظة يتواجه صواريخ SpaceX تحديات و مشاكل في التصميم و التشغيل بتخليهم يأجلوا الرحلات لحين حل المشكلة و برغم وصول نسبة النجاح في الاقلاع و الهبوط الا انها غير كافية الا لو وصلت لمعدل الامان في السفر بالطيارات.
2- توفر منصات الأقلاع و الهبوط:
صواريخ SpaceX بتستخدم منصات اطلاق و هبوط عائمة و ده معناه ان لازم تتبني منصة في كل وجهة علي جدول الطيران.
3- التلوث و الضوضاء:
كمية الانبعاثات اللي بتخرج من احتراق وقود الصواريخ  و ده معناه كمية ملوثات رهيبة غير التلوث الضوضائي و الاهتزازات الناتجة عن الاقلاع و كسر حاجز الصوت.
4- التكلفة:
تكلفة اقلاع صاروخ Falcon بتعادل 6.1م $ للمرة الواحدة بس انا شايف ان بالنسبة لفئة معينة التكلفة ديه ولا حاجة وزي اي حاجة في الدنيا كل ما بيكتر عليها الطلب و بيستخدمها الناس بتقل تكلفتها و بتصبح متاحة للجميع.
5- توفر عدد المسافرين:
الفكرة بقي في التشغيلات الاوليه حتجيب منين عدد مسافرين قادرين يدفعوا التكلفة ديه من غير ما الكبسولة تكون كاملة العدد تكاليف الاطلاق حتتحمل علي SpaceX و ده صعب و مكلف جدا.
6- التنظيم الرحلات مع خطوط الطيران:
دخول الصواريخ مجال الطيران الداخلي معناها ان لازم يكون فيه تنسيق مستمر بين ابراج الطيران العادي و صواريخ SpaceX عشان ميلبسوش في بعض.
7- الظروف الصحية للمسافر:
مش اي حد يقدر صحيا و بدنيا انه يتحمل الاطلاق و التسارع العنيف للصواريخ بالرغم ان فيه بعض الناس حتعتبر انها حاجة مسلية بالذات في الهبوط اثناء اباستمتاع بانعدام الجاذبية بس الفكرة ان اجسادهم و ظروفهم الصحية تتحمل ده اساسا.


ايلون ماسك محطش جدول زمني معين للتنفيذ بس الراجل ده مبيهزرش و اكيد خد التحديات ديه في الحسبان و الايام الجاية حتكشفلنا اكتر عن خطته و ازاي حيقدر ينفذها و يتخطي المعوقات ديه.
كان معكم #Ak_TRex مراسل #TRex_Magazine من موقف الحصري أكتوبر.

Written by:Amr Khaled - T.Rex
#AK_TRex

التعليقات
0 التعليقات