تكنولوجيا المعلومات : برامج عظيمة Beaker

تكنولوجيا المعلومات : برامج عظيمة Beaker

السلام عليكم أهل العلم والتكنولوجيا 

السلسلة دي هتكون عن كل حاجة متعلقة بالتكنولوجيا بكل اطرافها و حركاتها و حواراتها 

وهنجيبلكم أحدث و أحسن برامج نزلت سواء للأندرويد Android أو للأي أو أس iOS

أول برنامج للناس اللي بتحب الكيمياء (العلم مش المخدرات)

عمرك وانت بتدرس الكيمياء و كنت بتقرا المعادلات وكانت فكرة الحفظ لنتايج المعادلات من غير ماتشوفها بعينك حاجة رخمة جدا 

طب ايه رأيك لو بقي عندك معمل كامل تفاعلي و عندك كمية غير محدودة من العناصر اللي تقدر تستخدمها في المعادلات

البرنامج اسمه BEAKER و بيكر هي الكوباية اللي بتستخدم في خلط وقياس المواد الكيميائية في المعمل وده اللي بيعملة البرنامج انه بيتعامل علي ان تليفونك عبارة عن بيكر بتستخدمه في خلط و دمج العناصر و المركبات

البرنامج بيقدملك تجربة كيميائية جديدة و متكاملة من أول معلومات عن كل عنصر و مركب موجود في البرنامج وكل الخواص الكيميائية سواء للعناصر أو المركبات. ده غير انك بتنفذ المعادلة بكل شروطها .. يعني تقدر تسخن تحت البيكرتقدر تحط عامل حفاز . وتتحكم في المعادلة بكل شروطها وتتعرف علي المركبات الكيميائة وتقرا معلومات عنها كمان

   ده فيديو الإعلان عن البرنامج واللي صدر في أغسطس 2016 

ده غير انهم أضافوا خاصية air mix للبرنامج وهي انك ممكن تستخدم جهازين في الدمج بين المركبات اللي بتعمل الsimulation  للمعادلات بتاعتهم 

البرنامج واخد تقييم كويس جدا بأربع نجوم في جوجل Play store و أعلي من أربعة في أبل app store

الخلاصة :

هو برنامج بيقدملك تجربة تفاعلية لمعمل الكيمياء بأدوات القياس و الخلط و التسخين لأنك تشوف اشهر المعادلات الكيميائية بتتعمل قدام عينك وتشوف نتاج كل حاجة ايه 

للتحميل :

  Android

 IOS        

معلومة اضافية

* شركة THIX أللي انتجت البرنامج ده واللي بتعتبره تجربة غير كاملة لأنه مش بيحتوي علي كل عناصر الكون لأنه برنامج مجاني , انتجت قريب برنامج تاني ولكنه للأسف مدفوع ولكنه فعلا بيقدم التجربة من أولها لأخرها البرنامج أسمه CHEMIST

لو عجبكم الموضوع أكتبوا في التعليقات تحت عايزين برامج أيه أكتر تساعدكم و كمان تعرفوا ايه عن تكنولوجيا المعلومات و هيبقي في موضوع هينزل هيرد علي اسألتكم المتعلقة بصيانة الكومبيوتر و الموبايل وكل ماهو ليه علاقة بالتكنولوجيا .

كان معكم 

Mohamed Morgan
#M_Morgan
#TRex_Magazine