كرة القدم - القصة الأصلية

كرة القدم - القصة الأصلية

يا مساء الانوار 😃 معاكم NeMo

اول مرة معاكم بموضوع عن اكتر حاجة بحبها فى الدنيا و هى الكورة ⚽ معلومات كده عالماشى عنها

كل المراجع والأساطير بتقول انها بدأت من بعد الأنتصار فى الحروب القديمة شوف الشر ياخى كانوا بيشوطوا جماجم المتوفيين من الاعداء كنوع من الأستهزاء بيهم (ياباى عليك ياخى اية شر دة ) الكلام دة قديم قبل الميلاد ياعنى حسب الاساطير من 250 ق.م الي 220م.

وبعد كده جت لعبه اتعرفت فى صين اسمها اتشو (عارفة انا العسل الى حيكومنت يرحمكم الله اخد شنطتى وامشى والله ) كانوا بيعملو اية اخوانا دول بيجيبو جلود الحيوانات ويخيطوها فى بعض و يعملوا بيها جسم مكور كده.

وفى بعض الاقوال بتقول ان فى عادات مصرية قديمة تشبه لعبه كرة قدم زى ما بعض المؤرخين بياكدو ان الرومان والاغريق كانو بيلعبو بمجسم شبه الكورة. اما الاكيد ان فى سنه 1863 جه تشارلز جوديير وخد براءة اختراع عن كرة من المطاط المقوى بعد كده طور اختراعه لحد ما ووصل للشكل الى فى صور فى سنة 1855 (صورة دية من قاعة المتحف الوطني لكرة القدم الي في نيويورك)

فى سنة 1872 تم وضع قوانين اجتمع مجموعة من الإنجليزعشان يتم الوصول إلى قوانين للعبة كرة القدم اينعم هما اجتمعوا بس معملوش اى حاجة تانية 😂 بس هاه كانو بيحاولوا  بس بعد فترة تم الأتفاق على معايير معينه لحجم ووزن كرة. وفى سنة 1888 تم تاسيس الدورى الانجليزى ^_^ وفى سنه 1904 تم تاسيس ال(FIFA) فى باريس

(مواصفات الكرة المعتمدة للبطولات العالمية: المحيط 27 - 28 انش. الوزن : 400 - 450 غرام. القطر : 8.6 - 9 انش.)

اما مصر معرفتش كره القدم الا مع الأحتلال البريطانى هما الى دخلو كوره مصر ودة لانهم بقو بيمارسوا اللعبة فى لاسكندريه (محدش يقولى اشمعنى اسكدريه مش حصة تاريخ هية واقعد اقول ماهما كانو بييجو بالسفن مش هينزلو فى وسط بلد ياعنى ) يقال ان حاليا نفس المكان هوه استاد اسكندرية حاليا الناس ساعتها حبت اللعبة جداااااا وبدأ الكلام وتجمهر ناس حوالين الجنود وهما بيلعبوا ان كان فى اسكندرية ولا الى بقو بينزلو فى القاهره ( شايفاك يالى هتقولى مهم نزلو القاهره اهم ) اه ياسيدى و كمان مدن القناه.

 المهم ان فى سنه 1882 قرر محمد زكى باشا وزير المعارف إدخال الألعاب الرياضية ومنها كرة القدم في مناهج المدارس المصرية بس كلام دة كان شامل العاب تانية كتيرة بس هى اكتر حاجة حبوها وشدت كل تركيزهم كانت كره القدم. وفى سنة 1895 تم اطلاق أول فريق مصري كان المدرب بتاعه محمد أفندي ناشد اللي لعب بأسم مصر وكان الفريق يضم أحمد رفعت ومحمد خيري وإخوان جبريل. وفى أول التسعينات تم تسميه الفريق باسم "التيم المصرى" (وللعلم احنا غلبنا الفريق الانجليزى سعتها بهدفين 💪💪 ) عشان كد بيقولوا ان ده الاهلى بس بالشكل القديم 😂😂(دية من عندى انا دية )

أما من حيث أقدم نوادي فى مصر فهم الجزيرة 82 و89 نادى سبورتنج او الأسكندرية الرياضى 1903 نادى السكه الحديد والأوليمبى سنة 1905 و دول اول فرق للكورة فى قارة افرقيه كلها.
أما فى سنه 1907 تم تاسيس اكبر نادى واحسن نادى فى عالم كله النادى الاهلى💪 (ينهار ابييييييييض)
وبعد كد جة نادى قصر النيل الاسم القديم لنادى الزمالك سنة1911.

مستمعينا الاعزاء كلام فى كورة كتير جدااااااا ومش بيخلص بس دية تقريبا بس هيه دية الخطوط العريضة فى بدايات قصة كره القدم يارب اكون قدرت افيدكم 

Written by: Noha Mohamed

#Nemo

#TRex_Magazine