صرخة الرعب

صرخة الرعب 

مشاهدينا الاعزاء ^_^ لتانى مرة معاكم  NeMo النهاردة مش عن كورة لا الليله رعب  يا أخونا (الى بيخااااااف يطلع بره =D  وعقلكم فى راسكم تتنصحو تتنصحو متتنصحوش انتم حرين )  

هنطلع رحلة كد سريعه (يارب نرجع )  لاكثر الاماكن رعب فى العالم تموتوا انتم فى الكلام دة انا عارفة  الموضوع كبييييييير جداااااا بجد فحيبقي على اجزاء كمان عشان تفضلوا مصحصحين معانا ;)

  1**أوكيغاهارا: غابه الموت او الغابه المسكونه :

مكانها  بالظبط فى  اليابان عند  السفح الشمالي  لجبل فوجى المقدس  (قال ياعنى هتروحوا ) مساحه الغابه 35 كيلومتر مربع أوكيغاهارا اصلا ياعنى بحر الاشجار وهى فعلا  كده  من كتر وجود الاشجار فيها  هما تقريبا  شبه متلاصقين فى بعض  ومع  مرور السنين شجر  دخل فى بعضه اكتر وبق مكان  ضلمه على طول الشمس اصلا مش بتدخل للقاع  ( اثبتوا فى ايه احنا لسة قولنا حاجة ) المكان أتحول فى الاخر لمكان زى المقبره كل العوامل دية ادت لانتشار الاساطيرعلى الغابه بطريقه غير طبيعيه لدرجة  انها  بقت قبله المنتحرين اى حد عايز يخلص من حياته بيروح هناك اللي خلا اليابان تسيير من سنة 1971 دوريات سنويا للبحث عن جثث المنتحرين و انتشالها اخر التقارير اكدت ان عدد اللي حاولوا ينتحروا لحد 2010  حوالي 274  شخص  نجح منهم  فى الانتحار بالفعل 54  غير  الجثث المفقودة  ودة لان  فى اجزاء فى الغابه لسه مش دخلها انسان ودة لان كمان الغابه  فيها كهوف عميقه جدااا دة الى بيوصل أن فى جتثث بيتم عثور عليها بعد  فترة طويله جدااااااااا طبعا بتكون اتحللت لدرجه ان حكومه وضعت  فى الغابه كذا لافته   مكتوب عليها  نصائح كتيرعشان ناس مش تنتحر حتى المجموعات الدينيه والخيرية مش سابت الحوار دة واصبحوا بيبعتوا دوريات خيرية لنصح اى حد يفكر ينتحر ليه بق متسميه بالغابه المسكونه  دة لان بعد كل حالات الأنتحار و الموت دية بعض الروحانيين والمتعمقين فى عادات وديانات اليابانين هم  شبه متاكدين ان الارواح بترجع تسكن الغابه .

2**** جزيرة الدمى المسكونة (بالمكسيك ):  

لف ياسطى الله يخليك  واطلع بق على جنوب مكسيك  ( عالم  جبانات بشكل  خايفين من شويه عرايس )

La Isla de la Munecas  دة اسم الجزيرة ماتحاولش تقراة =D  طبعا  من الصور والاسم  هتفتكرو ان  الجزيرة  عبيطة او للأطفال  لكن الحقيقى  بجد ممنوع اصلا هناك  دخول الاطفال  للجزيرة حتى  لو العيله كلها معاها  ودة لان الجزيرة تعد من أكتر الاماكن الرعب  فى عالم  كله  غير ان موقعها  بين  البحيرات خلي الجزيرة كانت مهجورة تماماااااا لحد ماجه جوليان سانتانا باريرا  سنة 1950 بعد ما هجرعائلته وراح بنا لنفسه كوخ بس مش دية كل الحقيقه, الحقيقة ان فى قصه غريبة  ورا  انه  انتقاله للجزيرة  وهى ان جوليان  كان بيروح الجزيرة كتير جدااااا على فترات وفى مرة قاعد علي بحيرة لقى اية بق ياحلوين :)  لقي   بنت  صغيرة بتتحرك ببطى جدااااا تحت مية ولابس فستان ابيض بحزام ملون وطبعا افتكرها ميته  لاكن مرة واحدة كد لقي  عيونها مفتوحة  فاعتقد طبعا ياعينى انها في حاجة تحت الميه ماسكه فيها  قرر فورا انه ينزل ينقذها ودة الاحلا بق انه لما نزل لقاها مجرد عروسه رغم انه اكد جدا ان دية  مش وزن ولا جسم عروسه  وكان متاكد ان فى حاجة بتشدة لتحت اكتر ( مش حوريه ميه عشان انا عارفة الفتى )  الغريب بق ان لما رجع لبيته  بعدها اهل بيت لحظوه انه بق ديما  ساكت وغريب جداااااا مش عادته

مش بيتكلم مع حد ولا حتى بيلعب مع اطفاله وبعدها طبعا بفترة نقل نفسه للجزيرة الغريب بق ان بق كل يوم بيروح  يلاقى نفس بنت  وينزل ينقذها وتتطلع دومية  وبق من كتر الدمى  بق بيعلقهم على الاشجار  مع الوقت بق هوه دة روتين اليوميى ليه  مش عايش عشان اى حاجة فى دنيا غير  جمع العرائس او الدمى  ويرجع يعلقها على الاشجار الى خلا شكل مكان بق مرعب جداااا دة لان  فى كل ركن فى  جزيرة فى  دميه  بتبصلك  ودة  كلام  قاله كل الى راح  الجزيرة  الى اغرب بق ان مرة واحدة اختفى جوليان  ومبقاش حد بيشوفه خاااااالص مع بحث العيله عليه وجدوه  غارق فى نفس النقطة فى  بحيرة اللى كنت بتظهر فيهاالبنت   بعدها تم استكشاف الجزيرة  واصبحت من اكثر الاماكن زياره فى العالم ( ودة  طبعا لان طبيعه معظم البشر بتموت فى الكلام دة =D ) ..

3**نطلع على التشيك لكنيسه سيدليك

( تعبتكم انا عارفة لف )  من الحاجات المرعبة جداااااا اننك تدخل مبنى اثرى قديم  فى حاجه كد بتيجى فى دماغك ساعتها بكل  رعب الدنيا و الانبهار فى نفس الوقت  مابالك بق لو الرحله دية كانت لكنيسه سيدليك (كنيسه العظام البشريه  ايون زى مابقولك كد ) ايون وهى  دية صورتها  =D احلا ما فى الاساطير وقصص التاريخ القصص مشوقه جداااا ورا كل القصور والمبانى القديمة حتى الغابات أنت لو دخلت كنيسه سيدليك هتلاقى فى كل ركن نبذه تاريخيه معينه ودة اصلا الى بيميز الكنائس الأثرية القديمة دائما القصص المصورة على الجدران والديكورات الى تحس انها لوحدها بتحكي تاريخ  دة بالنسبال للكنائس العادية اما بق كنيسه  سيدليك  الوضع فيها مختلف حبيتين  هوه ان الصدمة في ان كل الديكورات وروسومات  من عظام البشرية ايووووون زى ماسمعتيني كده 
بدات القصه فى  سنة  1218 لما طلع هنرى راهب الدير فى رحلة  للحج فى الاراضى المقدسه ودة كان فى فترة الحروب الصليبيه ولما رجع جاب معاه  تراب  من مكان معين  (يقال ان تراب الى تم صلب السيد المسيح موضوع دة مش مجال للنقاش ياجماعه  عشان التوضيع احنا  بنحكى القصه  بس) كان نوع من التبارك بيه المهم انه نشر التراب فى مقبرة خاصه بالدير كنوع من الحصول على  التبارك والمغفرة  مهم ان بقت كل اوروبا بتيجى للكنيسه عشان  تتبارك من التراب 
وبعد كد بقت  كل اوروبا  بتتدفن فى الارض المقدسه دية  بعد فترة  دخل مرض الطاعون  والى اتسبب فى قتل  ثلث سكان اوروبا  فى خمس سنين  بسسس تم فيهم دفن ناس كتير جداااااا فى الارض دية  مع دخول الحروب البوهيمية  كان لازم طبعا  المقبرة تتوسع  المهم  مع دخول القرن الخامس عشر  تم بناء كنيسه  قوطيه وسط المقابر فوقيهم  بالظبط ^_^  و الدور الاسفل للكنيسه كان مخزن للعظام الى تم  نبشها اثناء حفرالاساسات فى القرن 16 تم تخصيص مهمه الى راهب نصف اعمى بتكويم كل الهياكل العظميه  وساعتها تم بناء 6 اهرامات  من عظام الموتى  وفى 1870 تم توظيف فرانتيسك رينت وهو نحات خشب لينظم العظام  وفى النهاية طلعت زى ماهو باين فى الصور طبعا  

4***وختامها  مسك السنادى التوابيت المعلقة :

يارب مكنش طولت عليكم  ( ولو طولت معلش ) نطلع على الصين  عند منحدرات جبل  جونغشيا تم تعليق  مئات التوبيت الى  حيرت اهالى المطقه جدااا لعدد من القرون  ويقال انها تعود لقوم بو  ودول  كان ليهم نفوذ كبير  جدااا فى جنوب الصين  فى وقتها الاحلا بق ان التوابيت دية مصنوعه من جذوع الشجر المجوف اللى منتشرة هناك جدا وبيتم  طلائها  باللون البرونزى عشان تحميها من عوامل الطبيعه عمر التوابيت دية 3000 سنة والجديد منهم من 1500 سنه بس الغريب بق بجد ان لحد وقتنا  دة  محدش  عرف هما ليه قوم  بو دول كانوا بيعملو في امواتهم كد انا اه سمعت عن  هعلق  بس مش لما يموت  اعلقه ناس  قالت (الفتى هيشتغل )  ان هما كانو  بيعملو كد مع عظام القوم عشان يبقو قريبين من الالهة  ويعرفوا  يجدوهم بسرعه وفى اقوال  تانية  بتقول  عشان  تحميهم من الحيوانات المفترسه  اللى موجودة فى المناطق البعيدة دية  ودة لان هناك الحيوانات دية بتيجى بليل  وتنبش فى القبور وتاكل اصحابها (بعد الاساطير كانت بتقول ان الحيوانات دية  شياطين بتتحول على شكل حيوانات مفترسه  بتيجى تتغذا على ناس الى  كانت سيئه فى حياتها كنوع من انواع العقاب )
التوابيت دية طبعا بيحصلها صيانه  رغم ان في منهم عالى جداااااا فا بيبق فى صعوبه كبيرة فى صيانتهم بس دة بيبق ضرورى جدا عشان فى العقود القديمة  تم وقوع اكتر من 20 تابوت  اما بق عن  قبيله  بو  فا اختفو فى ظروف  غامضه فعلا  ومحدش يعرف ليه و فين اختفوا لحد النهاردة  

و أخيرا كل سنة وانتم طيبين اتمنى الموضوع يعجبكم وسنه جديدة سعيده عليكم يارب.

Written by: Noha Mohamed
#Nemo
#TRex_Magazine