VeryNile و صناعة التغيير

VeryNile و صناعة التغيير 

وسط زحمة حاجات كتير صعبة  و مكلكعة من ظروف معيشة و تحديات تقولك ان البلد ديه مش حتقوملها قومة تاني بتلاقي كل فترة كده بصيص من الامل بيقولك لا ممكن لا ربنا كبير و طول ما احنا مفقدناش الأمل ممكن ممكن في يوم من الايام يبقي فيه حاجة كويسة حتي لو قضينا علي مشكلة واحدة من قايمة كبيرة جدا مبتخلصش من المشاكل.

ومضة النور اللي ظهرت قريب وسط الجو المعتم ده أسمها VeryNile و هي مبادرة تم أيجادها عن طريق كيانين أسمهم Greenish و Bassita  الأولي منظمة خيرية باين من اسمها أنها مهتمة بالبيئة و انها توجد حلول لتوعية الناس و الحفاظ علي البيئة أما المنظمة التانية خاصة بأيجاد تمويل بطريقة الClickfunding و دورها انها بتربط المشاريع الهادفة اللي بالشكل ده بالجهات اللي بتوفر النوع ده من التمويل اللي هو بتمول عن طريق ان الناس تعمل Like او share و ده بيبقي معناه انها فكرة كويسة و تستحق التمويل و رأي الشخصي أن النوع ده من التمويل عادل جدا لأنه بيتم طريق وجهة نظر ناس كتير بدل من مؤسسة أو أشخاص بعينهم يحددوا مين يتم تمويله.

عرفنا مين بيدعمهم و التمويل جي منين بيعملوا أيه بقي أصلا؟
بينضفوا النيل من المخلفات الصلبة عن طريق الربط بين متطوعين و مراكب الصيد و رجالة النظافة بعربياتهم


مجري النيل المصدر اللي ربنا منحه لينا ووفرلنا من ساعة ما قامت حضارتنا أكلنا و شربنا و قامت علي ضفافه الحضارة اللي عايشين علي حسها حتي الأن بيموت كم الملوثات اللي بتترمي فيه سنويا بتقدر بمئات الأطنان بأختلاف مصادرها من مخلفات نتيجة الزراعة و الاسراف في أستخدام المبيدات و الأسمدة غير مخلفات المصانع و الصرف الصحي و كمان الزبالة او المخلفات الصلبة البلاستيك شبح البيئة اللي الكوكب كله اجمع انه خطره علي البيئة يعادل الأحتباس الحراري و تأكل طبقة الأوزون.
متطوعين VeryNile في اول أيفينت ليهم و بمشاركة 250 متطوع بس غطوا مساحة كم مربع قدروا يجمعوا طن ونص مخلفات صلبة في 5 ساعات متخيل معايا الرقم  و ايه اللي ممكن تحققه حركة زي ديه لو معاهم متطوعين أكتر.

الأثر البيئي للمخلفات اللي تم رفعها درسناها كلنا في علوم ابتدائي مش محتاج أشرحها بس ببساطة مصدر أكلك و شربك ملوث بكم مهول من النفايات محتاج مننا وقفة و توعية و رفع الأثار المترتبة عن عدم الوعي و الأهمال و التجاهل اللي بنعيش فيهم. محتاجين ناس تاخد أكشن تتحرك توظف جهودها و مواردها للصح. ده غير أنها بتوفر رزق لطبقة فقيرة من الصياديين و عمال النظافة اللي  ممكن يجيلهم رزق كويس من المشاركة في الفعاليات ديه يعينهم في حياتهم يعني نظافة و توعية و توفير فرص عمل.

الحملة أعلنت أنها حتتطلق أيفنتات اكتر في 2019 حيبقي هدفها نشر التوعية و جمع متطوعين اكتر لأن العدد بيفرق  و التحدي كبير لأن قصاد كل حد بينضف في ملايين بيرموا عشان كده هما ماشيين بالتوازي توعية و تنظيف اللي بيرمي يفهم هو بيعمل ايه و في نفس الوقت نعالج المشكلة اللي بقينا في وسطها و لازم تتعالج لأنها بدات تبقي مصدر تهديد لوجودنا و أبسط مجهود يقدر انه يعمل تأثير.
CLEANING THE NILE, ONE KILO AT A TIME ده شعار الحملة و اللي أتمني من الكل أنه يقدر يشارك فيها لأن حتي لو يبان أن الموضوع خرج عن السيطرة و ميتحلش بالمجهود و الاصرار المستحيل ممكن يتحل .

Written by: Amr Khaled - T.Rex
#AK_TRex
#TRex_Magazine

هذه صفحة حديثة
التعليقات
0 التعليقات