سلسلة تعرف - حيوان الكسلان

حيوان الكسلان

-سلام عليكم لو سمحت عايز استلم شهادة التخرج بتاعتي
...
-سلام عليكوا
-ثواني يا بشمهندس استاذ أبوسريع جي.
.......................... بعد 3 ساعات

-أيوة فين الاستاذ المستعجل?
-حضرتك انا مستني بقالي 3 ساعات و انتوا فاضلكوا نص ساعة و تروحوا تصلوا الظهر و مترجعوش تاني
-حضرتك لما سألت علي الشهادة قلنالك حتطلع أمته؟
-بعد 5 سنين
-طيب اللي خلاك تستني 5 سنين متدايق علي 3 ساعات انتوا كده الشباب دايما متسرع.
-طب حضرتك انا واخد اجازة عشان استلم الشهادة عشان محتاجها ضروري و ضاع نص اليوم حتسلمهالي ولا؟

-اقعد بس حدورلك عليها و انا بفطر و بشرب الشاي و ححكي معاك شوية.
-تعرف يا بشمهندس انت اصلا ظالمني انا اصلا ال3 ساعات دول نص اليوم بتاعي انا اصلا بصحي في اليوم من 4 ل6 ساعات بالكتير ال18 ساعة الباقيين بتعلق و انامهم فوق اي شجرة.
-و الله انا  نازل من فوق الشجرة مخصوص و مسرع حركتي عشان خاطرك بس انا أبطأ من كده بكتير أنا أبطأ الثدييات عالكوكب.
-أنت عارف رغم اني بطئ بس بعرف اعوم كويس عشان اطرافي الطويله.
-ميغركش منظري بس انا مخالبي الطويلة ديه اللي بيبقي في منا عنده 2 و فيه عنده 3 في الايد ممكن اشرح بيها اي حيوان يحاول يفترسني لكن لو قفشني عالأرض فرصتي بتبقي قليلة اني متاكلش.

-الناس مش عاجبها بطئي بس بسبب البطء ده بس انا ربنا يديني الصحة و طولة العمر ممكن اعيش من 40 ل50 سنة مستريح.
-انا بعيش فين في الاماكن الاستوائية اللي فيها غابات عشان ألاقي مكان انام فيه.
-لا يا سيدي انا سناني مش واقعة انا اصلا معنديش سنان في نص بوقي عشان انا اصلا باكل نمل و حشرات فلساني اللزج بيطلع من نص السنان او بحط بوقي في الحفر و اقعد اشفط كل النمل اللي فيه.
-العيال والله تاعبين المدام قوي دول بيقعدوا اول 9 شهور من عمرهم متعلقين علي ضهرها.

-اه انا بيطلعلي طحالب علي جسمي غالبا من قلة الحركة بتكمل من عالشجرة عليا.
-ثم اللي بيقولوا عليا كسلان دول أنا حتي مبعملش بيات شتوي زي الدببة.
-حضرتك بغض النظر عن مشاكلك الشخصية ناوي تسلمني شهادتي ولا لا؟؟؟؟!
-هو حضرتك مستعجل ليه دنا حتي مخلصتش فطاري و لا صليت الظهر بسببك ثم أصلا الساعة 2 ده معاد مرواحي.
-مش فاهم يعني أفوت عليكوا بكرة؟؟؟؟!
-لا بكرة ايه انا طالع أجازة مصيف فوت علينا بعد أسبوع يا بشمهندس احتمال اكون رجعت.

-😵😵😵😵😵😵😵😵😵😵😵😵
كان معكم #TRex_Magazine من مستشفي الأمراض العقلية بالعباسية جناح ضحايا شئون الطلبة
#تعرف