سلسلة علي خفيف - الأسقاط النجمي

العلوم الهامشية - الأسقاط النجمي

زي ما أتفقنا قبل كده في بداية كلامنا عن العلوم الهامشية أنها بتحتضن علوم و نظريات و تجارب العلوم الأساسية رفضاها او مش بتتبناها لعدم وجود اثباتات مادية او رياضية و احنا بنناقشها من منطلق معرفي بحت و أنا ححكي تجربتي الشخصية و وجهة نظري في آخر الموضوع.

قدماء المصريين و الأغريق كانوا من اوائل الشعوب اللي اتكلموا عن وجود جسم تاني غير الجسم المادي التاني بتاعنا الجسم ده بيتكون من حاجة اسمها الأثير. و الأثير ده هو اللي بيملي الفراغ بين النجوم وبشكل طاقة غير مرئية.
يعني أنت ليك جسم اسمه الجسم الأثيري علي حد تعبيرهم الجسم الأثيري ده أنت ممكن تخرج بيه من الجسم المادي في ظروف معينة و تستكشف المكان المحيط بيك و انت في مكانك و في مستوي متقدم و مع التدريب تقدر تروح أماكن أبعد و أبعد.

الجسم المادي و الآثير بيكونوا موصولين بحاجة اسمها الحبل الفضي و هو اللينك بين جسمك المادي و الجسم الآثيري. لا ستوب هنا أنت حتخرف
{وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُم مِّن الْعِلْمِ إِلاَّ قَلِيلاً} صدق الله العظيم
الروح ديه حاجة علمها بأيد ربنا أحنا بنتكلم عن الآدراك مش الروح خالص نفس فكرة الحلم بالظبط انت بتنام و بتحلم كل الناس بتحلم مش معني انك مبتفتكرش انك مش بتحلم كل الناس بتحلم كل يوم. بس الفكرة في تجربة الخروج من الجسد او الآسقاط النجمي انك بتشوف الحاجة Live مش خيال في دماغك و ده وفقا للنظرية.

يعني أنا المفروض أعمل ايه طيب عشان اجرب النظرية الخزعبلية ديه?!

بص أنا حشرح الخطوات بأختصار بس منصحش بالتجربة لخطورة الموضوع و أنت حر. 

1-الاسترخاء

لو بتمارس التآمل او اليوجا الخطوة الاولي حتبقي سهلة معاك لو الموضوع جديد عليك فأنت حتفرد جسمك حتنام علي ضهرك عادي في مكان هادي يفضل يكون غرفة مغلقة في اول تجربة 

شغل موسيقي بتسمعها كتير او اي مصدر للWhite noise و ابدأ نظم نفسك شهيق حبس زفير ببطء 

لحد ما تحس انك في حالة استرخاء

2-الاحساس بالطاقة

و هي انك تحس بالجسم الأثيري او تعمل مسح لجسمك و تتخيل ابعادك كاملة و اسهل طريقة انك تحاول تحس بمسار الدم في جسمك حتلاقي نفسك تلقائي حاسس بأبعاد جسمك.

3-الفيبريشن 

و هي انك تركز ان النسخة اللي كونتها تهتز و كل ما الاهتزازات ديه تكون اعنف كل ما بتبقي بتقرب من مقدرتك عالخروج

4-الخروج 

ليه طريقتين الاولي انك حتلاقي نفسك بتطفو فوق الجسم المادي اكنك عايم في الهوا

و التاني طريقة الحبل اكنك بتطير جسمك زي الطياره الورق كده و كل ما تسيبلها الحبل اللي هو الSilver cord بتبعد

اللي قريته ان اول تجربه يستحسن يبقي زمانها قصير و في مكان مقفول زي ما قولت حتلاقي انك بدأت تتجول في الاوضة اللي انت فيها بس بدون ما تقدر تتفاعل مع اي حاجة مادية!!!!!!!!

رجوعك في طريقة الحبل بسيط انك بتلم الحبل عادي الخزوق في طريقة الطفو و ده اللي وقعت فيه في اول و اخر تجربة ليا اني كنت خايف و ده الطبيعي اول مرة بس الفكرة اني مكنتش عارف ارجع اصلا ولما رجعت حسيت اكني و قعت و خبطت في الارض مكان ما كنت نايم لدرجة ان اتصابت بكدمة في دراعي.

وجهة نظري الشخصية اني لا خرجت من جسمي ولا حاجة و ان كل الموضوع انك بتدخل نفسك في حالة شبه التنويم المغناطيسي او بتقع في غفوة و لانك مهيأ نفسيا و عندك صورة تخيلية للمكان اللي انت فيه فانت بتشوف كل الناس بتحكيه في تجاربها اللي يقولك انا شوفت كائنات تانية انت بتدخل التجربة محرر خيالك بشكل كامل و مفيش حاجة تجزم انك فعلا رحت مكان تاني لانك مبتروحش مكان انت مدخلتوش و عارفة كويس قبل كده و مبتقدرش تتفاعل مع اي حاجة اثناء التجربة لأن كل ده يحدث داخل رأسك و ده من وجهة نظري.

-حعد واحد اتنين تلاته و اطرقع بصوابعي حتلاقي عم محمود ساب اللي في ايده و بص وراه.👽

-مهو طبيعي حيفتكر حد بيندهه!!!😏

-انت رزل يا ابني و انا غلطان اني بحكيلك حاجة.😡

كان معكم #Trex_Magazine و بث مباشر من الآثير مع تحيات الوحدة الرابعة.

#علي_خفيف

#العلوم_الهامشية