اختراع جديد - صوت البكم

أختراع جديد - صوت البكم

فاكر لما اتكلمنا قبل كده في مقال عن ازاي تغير حياتك ب150 جنيه ده اللي عملته المخترعة السورية "كريستينا سمير فياض" المخترعة السورية أخترعت حاجة اسمها "صوت البكم" ايه الجهاز ده تقدر تقول انها عملت جهاز يبقي همزة وصل بين الأشخاص فاقدي النطق و اللي بيستخدموا لغة الأشارة في التعبير عن احتياجاتهم و بين الناس العادية عشان يفهموهم.

الجهاز عبارة عن جوانتي بيلبسه مستخدم لغة الآشارة و عن طريق حساسات داخل الجوانتي ده بتحول حركات الايد المختلفة المستخدمة في لغة الاشارة لكود بيتبعت بالبلوتوث للموبايل بتاع الشخص ده و عن طريق قاعدة بيانات موجودة في ابليكيشن الموبايل الاشارة ديه بتترجم لكلام اكنها هي لسان الشخص ده. في اختراع امريكي مشابه لده بس الاختراع الامريكي بيحول الاشارة لنص بس و افضلية اختراع كريستينا انه بيدعم اللغة العربية.

شابوه كريستينا بجد اللي اتكرمت في بلدها عام 2013 وحصلت علي سجل تجاري و براءة اختراع 2016 عشان تبدأ تنتج و تطور من اختراعها و ينزل للأسواق بأسمها.
ايه علاقة ده بموضوع غير حياتك ب150 جنيه المعالج اللي مستخدماه كريستينا في اختراعها هو بوردة اردوينو اصدار ميجا و اللي كنا قولنا انها بوردة تحكم مفتوحة المصدر بتتيح لاي حد معندوش خبرة في مجال الكهربة و البرمجة انه يقدر يخترع و ينفذ افكاره علي ارض الواقع.

كريستينا حققت حلمها و بقت رائدة أعمال و مخترعة و في نفس الوقت فادت المجتمع و قدمت حاجة للبشرية و أنت تقدر برضة تعمل كده.
#TRex_Magazine