مسبار الأمل - الكوكب الأحمر
في الوقت اللي أعلنت فيه ناسا أنها كمؤسسة مش حتقدر تتحمل تكاليف تجهيز رحلة البشر للمريخ. بنلاقي شركات خاصة زي SpaceX و Boing عاملين شراكة للوصول للهدف ده و ده متوقع لكن الجديد وجود لاعبين جدد دخلوا مجال الفضاء وقدروا يثبتوا وجودهم في فترة قليلة.دولة الأمارات العربية أعلنت موعد لأطلاق مسبار الأمل زي ما بيطلق عليه مركز محمد بن راشد للفضاء. معاد أطلاق مسبار الأمل حيكون 2021 و اللي حيكون الذكري الخمسين لأنشاء دولة الأمارات العربية المتحدة.
الهدف من البعثة دراسة الكوكب الأحمر من حيث التضاريس و المناخ و الظروف البيئية كمان معرفة تاريخه عشان نعرف هو وصل للصورة اللي هو فيها دلوقت ازاي بحيث نقدر نتلافاها علي كوكب الأرض او نصلح كوكب المريخ و نعيد أعماره من تاني.
بس وفقا لتصريحات المركز ان الهدف الأسمي للمهمة ديه هو اعداد كوادر بشرية مؤهلة علي أعلي مستوي لوضع الأمارات بين الدول الرائدة في مجال الفضاء و البحث العلمي و توظيف مواردها لصالح خدمة قضايا البشرية.
#TRex_Magazine
0 التعليقات