الزلازل - الجزء الثاني

الزلازل - الجزء الثاني

اتكلمنا في الجزء الاول من الزلازل عن تكوين الزلازل ومقياس ريختر وقلنا ان المقياس اتعمل في الثلاثينيات من القرن الماضي عن طريق تشارلز ريختر وان المقياس بيقيس بأرقام من واحد لعشرة. تفسير مرتبط بالقيمة الرقمية ان المقياس لوغاريتمي بمعني ان زلزال بمقياس 6 ريختر هو 10 اضعاف زلزال بمقياس 5 ريختر وزلزال بمقياس 7 ريختر هو 100 ضعف من 5 ريختر.لو حاولنا نفسر عملية القياس وشبهناها بسقوط صخرة في بحيرة فان مقياس ريختر بيقيس أعلي ارتفاع للمياه المزاحة نتيجة وقوع الصخرة لكن المقياس لا يقيس الموجات الناتجة بشكل مفصل او بيربطها بعلاقتها بحجم الصخرة او طبيعة الوسط اللي بتتنقل فيه موجات الاهتزاز. طبيعة الأرض ليها تأثير علي نقل الزلزال من مركز الهزة للمناطق المحيطة بحيث انه ممكن تعمل تقليل لشدة الهزة او تضخمها. زلزال فالديفيا كان هو الأكبر في القرن العشرين كمقياس لكن في سنة 1556 حصل زلزال في الصين اتسبب في وفاة 830000 انسان وهو الأكثر دمارا علي الاطلاق في التاريخ المسجل لكن شدته غير معروفة بسبب حداثة المقاييس المستخدمة لتحديد شدة الزلزال

بجانب مقياس ريختر فيه مقياس لحركة ازاحة الأرض نتيجة الاهتزاز والمقياس اللحظي وكل نوع هيتم شرحه بالتفاصيل في المقالات المستقبلية. فيه خرافات معينة مرتبطة بالتنبؤ بجدوث الزلازل،  منها ان الحيوانات ممكن تتنبأ بحدوث الزلزال او ان فيه أشخاص بيقدروا يحسوا بحدوث زلزال وكل ده كلام غير علمي وغير واقعي لان التعريف العلمي للزلازل بيأكد انها حركة فجائية. حرص العلماء أحيانا بعدم تفسير الزلازل بشكل واضح بسبب ارتباط التفسيرات باحتمالية خسارة استثمارات او نشر الخوف وسط الناس ليه أثار سلبية، مثال حصل في ايطاليا سنة 2009 لستة علماء زلازل لما قللوا من احتمالية حدوث زلزال أكبر بعد مجموعة زلازل متتالية في مدينة ايطالية و بعد أسبوعين من مجموعة الزلازل حصل زلزال أكبر ومات فيه 309 انسان وتم الحكم علي العلماء الستة بالسجن لكن تم نقض القرار

من ضمن المعلومات غير الواقعية في الوقت الحالي ان في حالة حدوث زلزال من الممكن اننا نقف تحت اطار الابواب ودي ملعومة منتهية الصلاحية لان العمارة الحديثة في العالم كله مفيهاش نقط قوة زي زمان، الطريقة الوحيدة هي الاختباء تحت الترابيزة الخشب او الابتعاد عن المباني في حالة الوجود خارج البيت وفي الحالات المماثلة للوجود خارج البيت مفيش اي قلق من ان الارض تنشق او تفتح وتبلع الناس ده كمان كلام غير مرتبط بالزلازل

  فيه جزئية مرتبطة بحدوث الزلازل وهي تدخل الانسان في الطبيعة بشكل مبالغ فيه،  بمعني انه سنة 2014، 2015 و 2016 كان فيه دراسة في ولاية أوكلاهوما عن عدد الزلازل خلال السنين الثلاثة وربطها بصرف المياه في الأرض ونتج عن الدراسة ان تقليل كميات المياه المصروفة للأرض ليه علاقة مباشرة بتقليل عدد الزلازل في الولاية، الدراسة تمت عن طريق المركز الجيولوجي الأمريكي للزلازل وتم تفسير زيادة عدد الزلازل لان المياه بتساعد في انزلاق طبقات القشرة الأرضية علي بعض وبالتالي بتحفز حدوث الزلازل

علماء الزلازل في الولايات المتحدة بيتوقعوا ان في السنين القادمة هيبقي فيه زلزال ضخم بين 8.7 و 9.2 ريختر في غرب الولايات المتحدة وده بيهدد 7 مليون انسان من سكان المنطقة

فيلمين من أشهر التنبؤات المرتبطة باحتمالية حدوث زلزال ضخم في الساحل الغربي للولايات المتحدة هما

10.5 Apocalypse

اللي اتعمل في سنة 2006

وفيلم

San Andreas

اللي اتعمل في سنة 2015

الفيلمين فيهم مبالغات شديدة في عدة نقاط لكنهم مبنيين علي أساس التنبؤ بالحدث المستقبلي ومدي تأثيره المتوقع
Fault Line  سان أندرياس هو أشهر

في الولايات المتحدة وهو موجود علي الساحل الغربي في كاليفورنيا الموجودة في حلقة النار في المحيط الهندي وهي الأكثر تعرضا للزلازل في الولايات المتحدة بالكامل

Written by : Mohamed Khaled

#Mohamedkh5

#TRex_Magazine