أكتشاف ديناصور بحجم الطائرة - Quetzalcoatlus

Quetzalcoatlus - أكتشاف ديناصور بحجم الطائرة

ديناصور جديد بيطير و بحجم طيارة مفترس و بيتغذي علي الديناصورات.
لا ديه حكاية تخوف 😨!

لما تعرف أن في حاجة زي كده كانت عايشة عالكوكب ده أكيد لازم تخاف. الموضوع كله يدأ قريبا من الصين في منغوليا لما عثر أحد العلماء علي حفرية و اللي أفتكر في الأول أنها حفرية تيروصور و ده الديناصور اللي بيطير اللي نعرفه بس جامبو بس بالكشف عن الحفرية أكتر اتضحله انه كان غلطان و ان ده مش بتروصور ده نوع غير مكتشف من الديناصورات بس عنده أجنحة برضه!

الحفرية كانت هيكل كامل و كفيلة انهم يقدروا يدخلوها علي برنامج محاكاة و يكملوا التفاصيل الناقصة و يعيدوا بناء الكائن ده بس في العالم الأفتراضي و الشكل اللي طلع سابهم مزبهلين ولا كائنهم عرفوا أسعار الشقق في القطامية. حفرية لحيوان ضخم كان بيشكك في وجوده لا مش التنين للأسف الكائن ده أسمه كويتزالكواتلوس "Quetzalcoatlus".

كائن عملاق المسافة بين طرفي جناحه تتجاوز ال15 متر تخليه يقدر ياخد اتوبيس بالحضن أو يتزاوج مع طيارة خاصة لو عجبته 😂. الكائن الكيوت ده  وزنه تم تقديره بحوالي 250كجم الا ان ده مكنش عائق انه يطير بسرعة تتجاوز ال60 كم/ساعة الرقم اللي يخليه أكبر و اتقل كائن حي تم أكتشافه بيطير لحد دلوقت. بيرجح العلماء من تصميم جناحه اللي شبه الخفاش  و رجله انه كان بيمشي علي 4 قوائم لما مبيكونش بيطير لأن رجله بس متقدرش تستحمل الوزن ده خاصتا ان طوله بيعدي ال11 متر يعني يقدر ياخد زرافة تحت جناحه حرفيا.
النوع ده من الديناصورات بيتميز بمنقار حار و مدبب عشان ميعوقوش أكيد اثناء و يحافظ علي انسياب الهواء أثناء الطيران الا ان المنقار المدبب ده كان سلاح فتاك و وسيلة للصيد مكنته انه يصطاد و يتغذي علي صغار الديناصورات اللي واضح انها كانت غذائه الاساسي وفقا للحفريات المكتشفة.

تم أكتشاف اول حفرية للكائن ده في امريكا 1972
ألا انها كانت بتصنف تيروصور "Pterosaur" الا ان الحفرية الكاملة و العملاقة ديه أكدت علي وجود نوع أضخم بيختلف عن شكل التيروصور وده يخلينا نفكر قد ايه احنا لسه قدامنا كتير نتعلمه عن تاريخ كوكبنا. و لسه في معلومات كتير حيبحث فيها العلماء عشان نتعلم أكتر عن طريقة عيش الكائنات ديه و سبب أنقراضهم غالبا ملاقوش ديناصورات ياكلوها 😂.

في أنتظار اليوم اللي يتم فيه الأعلان عن أكتشاف اول حفرية لتنين لأن يوم بعد يوم بنتأكد ان فكرة وجود كائنات تتعدي تخيلاتنا واقع بس لسه مكتشفنهاش مش أكتر.
كان معكم #Ak_TRex مراسل #TRex_Magazine من أمام جثه القاتل سفاح أطفال الزواحف.
سلاحف!

Written by:Amr Khaled

#Ak_TRex