كلية Artificial Kidney صناعية مبتكرة تغني عن الغسيل لمرضي الكلي نهائيا
كلية صناعية خبر زي ده ممكن يعدي علي أي حد عادي ما هم بيخترعوا كل يوم حاجات جديدة
بس لما تعرف أن عدد المصابين في مصر بالفشل الكلوي بيتخطي 2.6 مليون شخص احنا بنتكلم في نسبة كبيرة للأصابة بمرض علي مستوي العالم. جلسة غسيل الكلي للشخص المريض ربنا يعافينا كلنا بتتكلف في المتوسط ألف جنيه تقريبا لو في مكان معقول لأما تقف طابور تستني دورك في أي مستشفي حكومي ده لو عندك تأمين صحي اصلا. لو فرضنا أنك مقتدر ماديا بقي أو عندك تأمين في مكان كويس جلسة غسيل الكلي عملية مؤلمة جدا ولو متعملتش جسمك بيتسمم و بتموت لا قدر الله.
طيب ايه أهمية الكلية في الجسم أو ايه وظيفتها؟
الكليتين هم الجزء المسئول في الجسم عن تنقية و تصفية الدم من السموم, السموم ديه بتتكون في الدم نتيجة لعملية الأيض أو التمثيل الغذائي مش بس كده هي بتتحكم في نسبة السوائل في جسمك و كمية الاملاح و الأيونات. سبحان الله جزء في الجسم لا يتعدي حجم مانجة فص مسئول عن كل ده و ربنا مانحنا في جسمنا اتنين منه و بمجرد ما يتصاب ينفع واحدة بس تشتغل بس لو فرضنا ربنا يعافينا ان الاتنين حصل فيهم مشكلة مفيش غير حليين غسيل الكلي أو استبدالها بواحدة من متبرع و ديه عملية مكلفة جدا و بتستلزم اانك تبقي موجود علي قوائم الأنتظار لفترة طويلة و بيدخلها عمليات كتير مشبوهة زي تجارة الأعضاء و هي من وجهة نظري من أبشع العمليات الغير شرعية في العالم.
طيب الأختراع الجديد ده بيعمل ايه؟؟!
الأختراع عبارة عن هجين بين خلايا كلية حية و شوية microchips بتاخد الطاقة بتاعتها من القلب مش محتاجة بطارية يعني. الكلي الصناعية ديه حتنضف مجري الدم من السموم و توجهها للمثانة سم الخروج مع البول زي الكلي الطبيعية بالظبط و ده بيخلينا نتلافي مشاكل كتير طبيا أبسطها ان فيه ناس بعد ما بتركب الكلي الجديدة بيتم رفضها من الجسم و بتفشل العملية و ده بيبقي بنسبة 20% في أمريكا.
The Kidney Project ده أسم المشروع اللي أطلقته UCFS جامعة كاليفورنيا بسان فرانسيسكو
فكرته انه بيتم زرعه في الجسم بعملية عادية جدا بين المثانة و الكلي و مجري الدم يفلتر يفصل و يرجع بواسطة 15 كمبيوتر صغير بياخدوا أشارتهم من القلب الجميل في الموضوع ان خلايا الكلي اللي داخل الجهاز حتنمو و حتكون كليه جديده بصحة جيدة.
الموضوع مبشر جدا العائق الموجود حاليا قدام المهندسين ان الدم يدخل الجهاز و يخرج من غير ما يكون جلطات أو يأذي الكلية المتهالكة القديمة
حتي هذه اللحظة كل الأختبارات اللي تمت عالفئران نجحت بنسبة 100% . و بمجرد أعتمادها حيتم تجربتها علي البشر في أقرب وقت و مش بعيد في المستقبل يختفي موضوع غسيل الكلي اللي بيسنزف أموال طائلة و بيسبب أذي نفسي و جسدي عالمريض.
بس لما تعرف أن عدد المصابين في مصر بالفشل الكلوي بيتخطي 2.6 مليون شخص احنا بنتكلم في نسبة كبيرة للأصابة بمرض علي مستوي العالم. جلسة غسيل الكلي للشخص المريض ربنا يعافينا كلنا بتتكلف في المتوسط ألف جنيه تقريبا لو في مكان معقول لأما تقف طابور تستني دورك في أي مستشفي حكومي ده لو عندك تأمين صحي اصلا. لو فرضنا أنك مقتدر ماديا بقي أو عندك تأمين في مكان كويس جلسة غسيل الكلي عملية مؤلمة جدا ولو متعملتش جسمك بيتسمم و بتموت لا قدر الله.
طيب ايه أهمية الكلية في الجسم أو ايه وظيفتها؟
الكليتين هم الجزء المسئول في الجسم عن تنقية و تصفية الدم من السموم, السموم ديه بتتكون في الدم نتيجة لعملية الأيض أو التمثيل الغذائي مش بس كده هي بتتحكم في نسبة السوائل في جسمك و كمية الاملاح و الأيونات. سبحان الله جزء في الجسم لا يتعدي حجم مانجة فص مسئول عن كل ده و ربنا مانحنا في جسمنا اتنين منه و بمجرد ما يتصاب ينفع واحدة بس تشتغل بس لو فرضنا ربنا يعافينا ان الاتنين حصل فيهم مشكلة مفيش غير حليين غسيل الكلي أو استبدالها بواحدة من متبرع و ديه عملية مكلفة جدا و بتستلزم اانك تبقي موجود علي قوائم الأنتظار لفترة طويلة و بيدخلها عمليات كتير مشبوهة زي تجارة الأعضاء و هي من وجهة نظري من أبشع العمليات الغير شرعية في العالم.
الأختراع عبارة عن هجين بين خلايا كلية حية و شوية microchips بتاخد الطاقة بتاعتها من القلب مش محتاجة بطارية يعني. الكلي الصناعية ديه حتنضف مجري الدم من السموم و توجهها للمثانة سم الخروج مع البول زي الكلي الطبيعية بالظبط و ده بيخلينا نتلافي مشاكل كتير طبيا أبسطها ان فيه ناس بعد ما بتركب الكلي الجديدة بيتم رفضها من الجسم و بتفشل العملية و ده بيبقي بنسبة 20% في أمريكا.
فكرته انه بيتم زرعه في الجسم بعملية عادية جدا بين المثانة و الكلي و مجري الدم يفلتر يفصل و يرجع بواسطة 15 كمبيوتر صغير بياخدوا أشارتهم من القلب الجميل في الموضوع ان خلايا الكلي اللي داخل الجهاز حتنمو و حتكون كليه جديده بصحة جيدة.
الموضوع مبشر جدا العائق الموجود حاليا قدام المهندسين ان الدم يدخل الجهاز و يخرج من غير ما يكون جلطات أو يأذي الكلية المتهالكة القديمة
حتي هذه اللحظة كل الأختبارات اللي تمت عالفئران نجحت بنسبة 100% . و بمجرد أعتمادها حيتم تجربتها علي البشر في أقرب وقت و مش بعيد في المستقبل يختفي موضوع غسيل الكلي اللي بيسنزف أموال طائلة و بيسبب أذي نفسي و جسدي عالمريض.
0 التعليقات