سر قصر البارون

سر قصر البارون

يا مساء الهناء عليكم :) اولا كل سنة وانتم طيبين وسنة جديدة  سعيدة عليكم  يارب بعد بق فقرة المجاملات الجميله دية هنروح مشوار صغير كد لحد مكان انا شخصيا نفسى جدااا ازوره من جوه وهوه قصر البارون. 

طبعا  كلنا كنا بنسمع على قصص  كتيييير  واساطير اكتر على انه مسكون بق (اللهم ماحفظنا ) وكميه ناس الى كانت بتموت مجرد بس ماتقرب من القصر المهم فعلا ان زاد اهتمام ناس جداااا ناحية القصر فى السنين الى فاتت وطلع بق كمان اخوانا المغامرين  وفكرة ان  برج  الى بيدور و الناس اللي ماتت او انتحرت و صوت الصريخ...... كل ده اضاف اثارة و غموض  اكتر على القصر 

لدرجة ان فى السنين الى فاتت ظهرت كتب بتتكلم على اساطير القصر والاشباح الى موجودة هناك  

الى بنا القصر "إدوارد إمبان"( لقبه بارون) مليونير بلجيكى جه بعد افتتاح قناة السويس اما عن لقبه  فده  تم منحه من ملك فرنسا لمشاركه  ومجهودة  الكبير  فى  انشاء مترو باريس و ده لانه كان مهندس عبقرى ده غير انه كان عقليه اقتصادية فذه جدااا ودة لانه  كانن ليه مشاريع  اقتصادية كبيرة فى بلدة ود عاد عليه بمبالغ كبيرة جدااا اهمهم  بنك بروكسل في بلجيكا غير انه كان عاشق للسفر  راح المكسيك ومنها إلى البرازيل، ومن أميركا الجنوبية إلى إفريقيا  وعمل مشاريع كتير   جدااا فى  الكونغو ودة عاد عليه باثروة كبيرة جدااااااا وطلع بعد كد على الهند  قعد فيها سنين  لحد ماقرر يجى على بلد الحضارات القديمة (مصر ) ودة لانه كان عاشق للحضارات الشرقيه  المهم انه  لما وصل وقع فى غرام قاهره المعز وقررانه مش هيسافر تانى خلاص فى اى مكان لدرجة انه  كتب فى وصيته انه عايز يدفن هنا  حتى  لو كان برة القاهرة لاى سبب  يرجعوا  بجثمانه ويتم دفنه فى القاهره.    

المهم  انه قرر  يدور على مكان  عشان يعيش فيه  الغريب بق مش  ياجر شقه فى العتبه لا اختار  صحراء  شرق  القاهرة  وقرر انه يبنى فيها  قصر ليه (الصحرا  مقصودة ايون هية  مصر الجديدة  ودية لعنه المهندسين بيدورو على شقا فى اى حته =D ) المهم انه كان من ضمن هواياته الكتير المعمار مع عقل المليونير  قرر يعمل قصر مافيش  ليه شبيه  ابدااااااا  حتى ادق التفصيل فى القصر  عبقرية  ساعده فى البناء  فنان فرنساوى اسمه "ألكسندر مارسيل"  المهم بعد مجهود 5 سنين  طلعت التحفة الفنيه اللى لحد  دلوقت كل ما تقف قدمها مش تشبع من نظر ليها ابدا. 

 ليه بق كميه الاساطير والقصص دية سنة 1928 حصلت حادثه او حدثه انتحار  زى مابيتقال  وهى ان اخت البارون (هيلانة) وقعت ما البرج بيدور  وقعت من  شرفت غرفتها وقت دروان  القصر  ناحيه الجنوب  المدهش  بق ان  توقف البرج تمامااا عن الحركة  بعد  صرخت   هيلانه بدون اي سبب ودية كانت اول شرارة فى اساطير الاشباح القصر غير الناس الى قعدت فترة تاكد  انهم فى نفس الوقت كل يوم بيسمعو  نفس الصرخه والاحلا بق  قصص الاشباح الى موجودة فى غرفه هيلانه و اللى فى  اساطير ذكرت ان هما اصلا الى حدفوها  من الشرفة ( قومى بينا نمشى ) بس فى اساطير تانية  ذكرت ان  مش فى اشباح  دية هيلانه  بس اضايقت من اخوها انه مش لحقها وقررت تغضب عليه :) وابسط حاجة عملتها هوه العطل الغير مبرر فى تروس  دوران البرج   الاحلا من كد فى ناس  كانت بتاكد  انهم بيسمعو  كل يوم شجار  فظيع  بين هيلانه والبارون الى مفروض انها ماتت وادفنت  =D  وكانو بيقوله انه كل يوم بيحضر روحها  عشان يحاول يعتزر منها  مهم ان بعدها بافترة  دخل فى مرحله  اكتئاب كبير جدااااااا ادى الى لوفاته فى النهاية :( 

من الاسباب برضو  انه كان  مريض بالصرع فى الوقت دة مكنش فى ناس كتير عندها  ثقافة  او حتى قادرة تستوعب المرض دة  فطبعا كعادى المصريبن (  انتشرت  اشاعات انه  ملبوس  =D ودة الى خلهم  قالو كمان انه  بيحضر  روح اخته ) فكان بتجيله النوبه  كتير فى الجنينه القصر  وكمان لانه  كان شخص شديد جدااا مكنش حد يجراء يقرب منه  مين من كان   

اما بنسبال للقصر فالاحلا انه كان فى غرفه محرمه الدخول  وده حتى على اخته وبنته  كان ممنوع حد يقرب منها هي الغرفة الوردية ببدروم القصر، وهذه الغرفة تفتح أبوابها على مدخل السرداب الطويل الممتد لكنيسة البازيليك والتي دفن فيها البارون بعد موته :| 

معظم الاساطير  فى الاول بدات بفكرة ان صوت الاثاث  بيتنقل كل يوم  بليل متاخر  الأضواء الى بتنور وتتطفي فجأّه  بالغرف المقفوله  =D بواب العقار اللى  مقابله للقصر  قال ان  فى اشباح  مش بتظهر غير بليل وانها مش بتسمح بوجود اي حد فى قصر مهما كان السبب او حتى التمن الى هيحصل 

 سنه 82  ناس كتيييييير جدااااا كانت كل ماتعدى من جمب القصر تشوف حريق  ودخان كبير خارج من نواافذ الرائيسه للقصر   (ساعتها طلعت كمان اشاعت ان مجموعه من عبدة الشيطان هما الى محتلين القصر و كانوا بيخوفوا الناس و العمال القائمين علي الترميم بس كلام دة برضو مش اكيد ) 

فكرة فعلا  ان الامر مش مقتصر مثلا على مصرين بس لحد انهاردة  شركات اجنبية   كتير بتقدم عروض لتصوير  افلام رعب  فى القصر بس بيتم رفض العروض  دية  لمحاولات حفاظ على سمعت القصر بعيدا عن الاساطير دية .

حاليا أنت ممكن تدخل بوابة قصر البارون في الحديقة بس و تعمل فوتوسيشن يتصريح من وزارة الأثار ب1500 جنيه بس ممنوع دخول القصر لأنه أيل للسقوط علي كلامهم يعني :D

يارب يكون الموضوع عجبكم  :).  

Written by: Noha Mohamed
#Nemo
#TRex_Magazine